Jabuli 122

Wer me pak pi Jerucalem

1Abedo ki yomcwiny ikare ma kiwaca ni,

“Wacitu i Ot pa Rwot!”

2Kombedi dong tyenwa ocung i dog taun madit meri in Jerucalem!

3Jerucalem dong kigero odoco matek,

dok ogure kacel ma nen maber atika!

4Man aye kama kaka gicito iye

kaka pa Rwot;

kit macalo yam kiciko kwede pirgi,

wek gumi pwoc bot Rwot.

5Komker me ngolo kop kiketo tye kunu,

gin komker me ot pa Daudi.

6Wuleg pi kuc me Jerucalem:

“Wek jo ma mari gubed ki lonyo dok ki kwo maber.

7Kuc obed i i cel ma orumi,

dok kuc madwong myero obed i lubeleni ma wigi ocudu maloni!”

8Pi utmega ki pi luwota

abiwaco ni, “Kuc obed ii in Jerucalem!”

9Pi Ot pa Rwot Lubangawa matye ii kanyi,

abilego ni in Jerucalem ibed maber.