Jabuli 121

Rwot aye ma gwokowa

1Atingo wanga malo ikom godi;

kony ma amitoni a ki kwene?

2Kony ma amitoni a ki bot Rwot,

ma ocweyo polo ki lobo.

3En pe biweko tyeni cer,

ngat ma gwoki pe bibutu nino woko ata.

4Nen, ngat ma gwoko jo Icrael,

pe binuru woko nyo bene pe binino ma kwiya kome.

5Rwot aye ngat ma gwoki;

dok tye calo tipu me ka yweyoni, en tye cok kwedi pi gwoki.

6Ceng pe biwangi i dyeceng,

kadi dwe bene pe bikeli arem mo i dyewor.

7Rwot bigwoki ki i gin maracu woko ducu,

en bigwoko kwoni.

8Rwot bigwoki ka icito woko nyo kadi ka idwogo cen,

nia tin nio inino ma pe tum.