Jabuli 114

Wer me Karama me Kato

11

Ikare ma jo Icrael gua woko ki i Ejipt,

ikare ma likwayo pa Yakobo

guweko lobo pa lurok ma jone loko leb mapat atika,

2Juda odoko jo maleng pa Lubanga,

ci Icrael odoko lobone ma en loyo. 32

Nam oneno ci oringo woko,

kulu Jordan ocung woko ma pe mol.

4Godi gupye calo nyogi romi,

ki cere bene gupye calo lutino romi.

5In nam, ango mutime ma omiyo iringo wokoni?

Dok in Jordan, icung woko ma pe imol pingo?

6Wun godi kono, pingo wubedo kapye calo nyogi romi?

Wun cere, pingo wubedo kapye calo lutino romi?

7In lobo, myero komi omyel, pien Rwot dong cok bino;

myero komi omyel inyim Rwot Lubanga pa Yakobo, 83

maloko pata got doko kama pii pong iye,

ki lacol got loko doko wang it ma gunye agunya.