Jabuli 111

Pak pi tic me aura ma Rwot otiyo

1Wupak Rwot!

Abimiyo pwoc bot Rwot ki cwinya ducu,

i coke pa jo ma cwinygi atir, i dye lwak ma gucoke.

2Tic ma Rwot tiyo dito dok me aura mada!

Jo ducu ma tice yomo cwinygi giketo cwinygi tutwal me niang iye.

3Gin ducu ma en tiyo opong kideyo madit;

dok pore mere bedo nakanaka.

4En pe weko wiwa wil ikom tice me aura ma en otiyo;

Rwot ber dok lakica.

5En miyo cam bot jo ma lwore;

wiye bene po tutwal ikom gicikene.

6En onyutu twero me tice bot lwake,

ci miyogi lobo pa lurok wek gucam obed meggi.

7Tic me cinge ducu bedo me ada dok tye atir,

cike ducu gene mada.

8Gimoko matwal dok giri nakanaka,

ma myero kilubgi ki ada dok ki cwiny ma atir.

9En olaro jone,

dok oketo gicikene kwedgi me bedo matwal.

En leng dok myero kilwor nyinge! 101

Lworo Rwot aye acaki me ryeko,

dong jo malubu gin ma en ociko gibedo ki niang maber.

Kibipake nakanaka!