Jabuli 105

Lubanga ki lwake

(1 Tek 16:8-22)

1Wumii pwoc bot Rwot, wulwong nyinge,

wumii tice ongene ikin rok ducu!

2Wuwer bote wer me pako en,

wutit tice me aura ducu!

3Wuket deyo ikom nyinge maleng;

wek jo ma yenyo Rwot cwinygi obed yom!

4Wuyeny Rwot ki tekone,

wuyeny tye mere kare ducu.

5Wupo ikom tic me aura ma en otiyo ducu,

tango mayam otiyo ki kop ma en ongolo,

6wun likwayo pa Abraim mayam latice,

wun lutino pa Yakobo ma en oyerowu.

7Rwot en aye Lubangawa;

en ngolo kop pi wi lobo ducu.

8En bigwoko gicikene pi nakanaka,

ki lok me cikene, pi yalwak alip ki alip. 91

En bigwoko gicike ma oketo ki Abraim,

ki lok mayam okwongo ki Icaka, 102

ma omoko odoko cik bot Yakobo,

wek obed gicike ki Icrael matwal,

11kun owaco ni, “Abimiyo lobo Kanaan boti,

wek obed lobo me aleyani.”

12Ikare ma onongo welgi pud nok,

ma pud gin adonyi i lobo meno,

13ma giwire ikin rok mapatpat,

ma gia ki ite ker acel gikobo i ite ker mukene, 143

Lubanga pe oye ngat mo odiyogi.

En ojuku luker mapol pirgi kun waco ni,

15“Pe wugud kom jo ma an awirogi,

pe wutim lunebina marac!” 164

Ikare ma Rwot ocwalo kec opoto i lobogi,

ci okwanyo camgi ma gikwo kwede woko ducu, 175

Lubanga onongo ocwalo Yucepu okwongo nyimgi,

en dano mayam kicato woko macalo opiini. 186

Kitweyo tyene woko ki nyor matek,

kirwako atego nyonyo i ngute,

19nio kalok ma en olokoni ocobe kakare.

Lok pa Rwot oteme onongo ni en tye atir. 207

Ci rwot ocwalo dano ci kigonye woko,

laloc me lobo omiyo kigonyo nyor woko oweko en ocito gire. 218

Rwot me Ejipt oketo en obedo rwot maloyo ode,

ki ngat maloyo jamine ducu;

22omiye bene twero me pwonyo luloce kit ma cwinye mito,

dok me pwonyo lutelane ki ryeko. 239

Lacen Icrael obino i Ejipt,

ci odoko labedo i lobo pa Kam. 2410

Rwot omiyo lwake gunywalo lutino mapol,

dok omiyo gudoko tek ma gikato lukworgi.

25Ci Lubanga oloko cwiny jo Ejipt omiyo gukwero jone woko,

ci guunu lutice iwi diro. 2611

Ci en ocwalo latice Moses,

ki Aron ma en aye oyero.

27Gutiyo lanyut pa Lubanga madito,

gutiyo tango mapol i lobo pa Kam. 2812

Lubanga ocwalo colpiny, ci lobo ocido woko odoko col licuc;

ento gujemo woko pe guwinyo loke. 2913

Oloko pii ma i kulugi odoko remo,

omiyo rec matye iye ducu guto woko. 3014

Ka dok omiyo lobogi opong ki lwak ogwal mapol ata,

kadi wa gangkal pa rwot nongo opong ki ogwal keken. 3115

Ka Lubanga oloko, ci omiyo lwak lwangi madwong obino,

ki nyogi bene gucore i lobogi ducu. 3216

Dok en omiyo pee ocwer ma ka kot,

ki lutkot bene owil ma otyeko lobogi woko ducu.

33En ojwero olok ki yat odurogi ducu,

ci oturu yadi ducu ma i lobogi. 3417

Dok oloko ci bonyo ocore,

lwak lutino bonyo ma welgi pe kwane;

35ci gucamo ginapita woko liweng ki i lobo,

gucamo kit kwayi ginapita me cam ducu ma gupuru i lobogi. 3618

Lacen oneko lutino kayogi ma co woko ducu,

ma gin aye jo ma gukwongo nywalo ki tekogi. 3719

Ci okwanyo jo Icrael okelogi woko

ma gutingo ryal ki jabu;

dano mo ma obedo goro ikin kakane ducu obedo peke.

38Ikare ma gua woko ki kunu, cwiny jo Ejipt obedo yom,

pien onongo gilworogi mada. 3920

Lubanga oyaro pol malo ka wi jone me gwokogi,

dok omiyogi mac me menyo piny dyewor. 4021

Ka jone gulego pi ringo ci Lubanga ocwalo aluru,

dok ocwalo kwon mabup ki i polo wek gucam guyeng. 4122

En obaro got ci pii onyete okati ki iye,

omol ki i dye tim aroo calo kulu.

42Pien en onongo opo ikom cikene maleng,

ki ikom Abraim ma latice.

43En okwanyo jone otelogi ki yomcwiny,

ma lwake ma en oyero gidange ki wer matek. 4423

Ci omiyogi lobo pa lurok,

omiyo gukwanyo lonyo pa jo mukene,

45wek lwake gulub cike,

ki gugwok gin ma en ociko ducu.

Wupak Rwot!