Acoli Bible Revision
Jabuli 100
Wer me pak
Wuwer ki dwon me yomcwiny bot Rwot,
wun lobo ducu!
Wuwor Rwot ki yomcwiny,
wubin inyime ki wer me yomcwiny!
Wunge ni Rwot en Lubanga!
En aye ocweyowa, wan wa danone,
wan jone dok romi ma en kwayogi.
Wudony i dog gang mere ki pwoc,
ki idyekal mere kun wupake,
wupwoye, wupwo nyinge! 1
Pien Rwot ber;
mar mere ma pe loke bedo nakanaka,
ki genene bene bedo nakanaka bot yalwak ducu.
Source notes (1)
- Cross-reference 1 Tek 16:34; 2 Tek 5:13; 7:3; Eji 3:11; Jab 106:1; 107:1; 118:1; 136:1; Jer 33:11
Acoli Bible Revision. Public domain. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · Public domain · SourceEdition imported 2026-11-09.