Jabuli 1

BUK MUKWONGO

Jab 1—41

Yomcwiny me ada

1Ngat ma kwero lubu tam pa jo maracu,

ma pe lubu kit pa lubalo,

ki ma pe bedo kacel ki lungala,

bedo ki yomcwiny.

2En nongo yomcwinye i lubu cik pa Rwot,

en bedo kalwodo lok ikom cike dyeceng ki dyewor. 31

En bedo macalo yat ma odongo inget kulu,

ma nyako nyige i karene kikome,

ma pote bene pe two woko.

Gin ma en tiyo ducu, en limo iye gum.

4Ento jo maracu pe gitye kitmeno;

gin calo cungkal mayamo kolo tero woko.

5Pimeno jo maracu kibingolo kop loyogi;

ki jo ma lubalo pe kibiribogi ki jo ma kitgi atir.

6Pien Rwot gwoko dok telo ngat ma kite atir,

ento ngat marac birwenyo mere woko matwal.