Jabuli 2

Laker ma Lubanga oyero

11

Pingo rok mapol gitye ki yub me jemo?

Pingo rok mapol gipiro lok ma konye peke?

2Lukergi ducu gijemo woko,

ki lulocgi bene gipiro lok kacel,

ikom Rwot ki ikom ngat ma en dong otyeko wiro, kun giwaco ni,

3“Wek wacodu nyorgi ma gutweyowa kwedeni woko,

dok wabolu twerogi me loc woko ki ikomwa.”

4Rwot ma obedo iwi komkere i polo tye kanyero;

en ngalogi angala.

5En loko kwedgi ki kiniga,

dok miyogi lworo ki akemone mager, kun waco ni,

6“An dong atyeko keto rwota iwi Cion,

ma en got mera maleng.” 72

Abitito cik pa Rwot,

en owaco bota ni,

“In i woda, tin dong adoko woru.

8Lega, ci abimiyo lurok bedo ginaleyani,

ki lobo ducu bene bibedo meri. 93

Ibiloyogi ki odo nyonyo,

ibingidogi woko matinotino macalo agulu.”

10Kombedi dong wuwiny loka, wun luker, wubed ryek;

myero wuwiny pwony man, wun luloc me lobo.

11Wutii bot Rwot ki lworo,

ki myel kom,

12dok wurum congwu inyime;

wek kiniga pe omake ikomwu miyo wuto woko atura;

pien akemo twero make oyotoyot mada.

Gitye ki gum jo ducu ma giringo gilaro bote.