Nekemia 9

Jo Icrael gutucu balgi

1I dwe man me abiro ninone pyere aryo wiye angwen jo Icrael ducu gucoke, kun girii kec ma guruku bongo cola, ma gunyweno wigi ki lobo me nyutu cwercwinygi pi balgi. 2Jo Icrael gupoke woko ken gi ki ikom lurok ducu, ka gucung katucu balgi kacel ki bal pa kwarigi mayam gutimo. 3Gin gucung i kabedogi, kun kikwano botgi lok matye i buk me Cik pa Rwot Lubangagi pi cawa adek; ka ingeye gutucu balgi ci guworo Rwot Lubangagi pi cawa adek mukene.

4Lulevi magi gucung iwi abam: Yecwa, Bani, Kadmiel, Cebania, Buni. Cerebia, Bani ki Kenani; gin ducu gudange ki dwon ma longo bot Rwot Lubangagi.

5Lulevi magi: Yecwa, Kadmiel, Bani, Kacabneya, Cerebia, Kodia, Cebania ki Petakia guwaco ni,

“Wua malo wupak Rwot Lubangawu; wupake nakanaka.

Wek dano acel acel opak nyingi me deyo makato ducuni, ai Rwot,

kadi bed pwoc ki pak pa dano pe rom ki dit ma meri.”

Lega me tucu bal

6Ka dong gulego lega man ni, “Rwot, In keni aye i Rwot; in aye ma icweyo polo ma malo makato ducuni, ki lwak lakalatwe matye i pologu ducu, dok in aye ma icweyo lobo ki nam ki gigu ducu matye i igi; in aye imiyo kwo botgi ducu. Dok twero ducu ma i polo bene giryebe piny kaworo in. 71In aye i Rwot Lubanga mayam iyero Abram ci ikwanyo en woko ki Ur ma en aye lobo pa Lukaldaya, ka imiyo bote nying manyen ni Abraim. 82Dok con inongo ni en ngat ma gene, ka dong iketo gicikeni kwede pi miyo lobo pa jo Kanaan, lobo pa jo Kit, lobo pa jo Amor, lobo pa jo Periji, lobo pa jo Jebuc ki lobo pa jo Girgac, me bedo lobo ma likwaye gibibedo iye. In icobo lok ma iciko, pien in Lubanga ma opore. 93

In yam ineno atwom ma kwariwa gubedo kwede i Ejipt, dok bene iwinyo kokogi ki i dog Nam Makwar. 104In itiyo bene lanyut ki tango me aura ikom Parao ki lutice ducu, ki ikom jo ducu ma i lobone, pien in onongo ingeyo kit ma gubedo kwede kaunu kwariwa; ma omiyo in ilimo iye yweka madit, macalo tye kwede nio wa onyo. 115In yam ipoko i nam pi lwaki, ka itelogi imiyo gukato ki iye iwi ngom ma otwo. Dok ibolo merok ma gulubu korgi woko i pii, imiyo gumwony ci gulwiny woko i kut matut, macalo gweng ma lwiny piny i pii mager. 126In yam itelo nyimgi i dyeceng ki pol ma ocung macalo wir, ka dok itelo wigi idyewor ki mac ma ocung macalo wir me menyo botgi yoo kama myero guwot gucit iye. 137In ilor ibino piny ikom got Cinai, ci iloko ki lwaki ki kunu ki i polo; ka imiyo botgi cik maber ki pwony ma omyero gin gulubi kacel ki gin ma iciko ducu. 14In ipwonyogi ni gugwok Cabiti obed maleng, ka dok imiyogi cik kacel ki gin ma in iciko ni gugwoki, kun wok ki bot latici Moses. 158Ikare ma kec onongo onekogi in ipitogi ki kwon ma oa ki i polo, ka dok imiyo gumato pii ma oa ki ikom pata got ikare ma orwo pii onekogi. Itito botgi bene ni gudony gucam lobo mayam ikwongo pire ni ibimiyo botgi. 169

Ento gin kacel ki kwariwa wigi obedo tek ci gubedo ki wake, omiyo gukwero lubu ciki. 1710Gukwero lubune; dok wigi owil woko ikom tango mapol me aura ma ibedo katiyo ikin gi; wigi obedo tek ci guyero dano mo acel me bedo laditgi wek otel wigi odwokgi cen i opii i Ejipt. Ento in Lubanga ma weko bal pa danoni in iber dok in lakica, kiniga bene pe mako in oyot, mar meri dwong ma pe loke, yam pe ibwotogi ata. 1811Kadi bed yam gucweyo cal wod twon dyang ma kiliyo aliya, kun giwaco ni, ‘Man aye Lubangawa ma okwanyowa woko ki i Ejipt,’ gin ma gutiyoni gutiyo me yeto in Lubanga, 1912ento in pe ibwotogi ata i tim aroo pi kicani madwong; ci iweko pol ma ocung macalo wir me bedo katelo wigi i yoni, ma onongo pe orwenyo woko ki botgi i dyeceng, kadi mac ma ocung macalo wir me bedo kamenyo botgi yoo ma giwoto iye i dyewor kun bene pe orwenyo woko ki botgi. 20In Rwot pi ber meri imiyo botgi pwony wek gutii gin ma imito, dok bene pe iweko pitogi ki manna, kun imiyogi bene gumato pii me kweyo orwo. 21In yam igwokogi maber i tim pi mwaka pyere angwen, kun imiyo botgi gin ducu ma gin mito, dok bongigi bene yam pe gutii guyec woko ducu, ki tyen gi bene yam pe okwot. 2213

In imiyo gulwenyo ci guloyo lwak rok mapol ata, ipoko botgi lobo macok ki wang apoki lobogi, kun gumayo lobo pa Cikon rwot me Kecibon kacel ki lobo pa Og rwot me Bacan. 2314In imiyo likwayogi gunya mapol gudoko macalo lwak lakalatwe ma i polo, in yam imiyogi lobo ma myero gubed iye, en lobo mayam ikwongo pire ni ibimiyo bot kwarigi wek gucam obed meggi. 2415Likwayogi gudonyo ci gumayo lobo pa jo Kanaan woko; dok in iloyo wegi lobo ma gibedo kunu, ci imiyogi icinggi gin kacel ki lukergi ki lwakgi ducu wek gutii kwedgi kit gin ma gimito. 2516 Lwaki yam gumako taun madito ma gitye ki cel gogo kacel ki lobo ma ceko cam, ka gukwanyo odi ki lonyo ducu matye iye, ki bur pii ma kitucu odonyo i ngom piny, ki poti me yadi jeituni ki lwak yadi ducu ma nyako nyiggi, kacel ki poti olok ma ginyako nyiggi madwong; mayam gucamo guyeng kwede ka gucako cwe ma cwinygi obedo yom tutwal pi jami mapol mabeco ma imiyogini. 2617

Ento lwaki gujemo dok gukwero lubu ciki; gubolo ciki odok tung ingegi, kun gineko lunebini, ma gujukugi ni guloke gudwog boti, ci pe guwinyo, gubedo kayeti kare ducu. 27Pi meno omiyo iweko lukworgi oloyogi i lweny, dok gudiyogi matek; gukok boti ikare ma gitye i can ni ikonygi bene, ci in iwinyo kokogi ki i polo. Dong pi kicani madwong omiyo icwalo botgi jo ma myero otel wigi, gin jo mayam olarogi ki i cing lumerokgini. 28Ento ikare ma kuc dok odwogo botgi, gin gucako timo bal dok aye inyimi, oweko in dok imiyogi i cing lumerokgi, guloyogi. Kadi bed kumeno ikare ma gungut guloke gudwogo gukok boti, ci iwinyo kokogi ki i polo pi tyen mapol ci ilarogi pi kicani madwong. 2918In itito botgi ni guloke gudwog cen boti dok gulub ciki. Ento gin gubedo ki wake ci gukwero lubu ciki ducu, kadi bed nen atir ni mako ciki aye miyo dano bedo ki kwo, ento gin gutimo bal ikom gin ma in iciko. Gubedo ki tekwic gukwero lubu ciki woko. 3019Ibedo kajukugi pi mwaka mapol, kun ijukugi ki cwiny meri ma con otiyo i i lunebini; ento gin pe guwinyo. Omiyo iwekogi gubedo ite loc pa lwak me lobo me rok mukene. 31Ento pi kicani madwong omiyo pe ityekogi woko, dok bene pe ibwotogi ata; pien onongo in Lubanga ma i won kica madwong, ma kica maki tutwal. 3220

Kombedi, ai Lubangawa madit, ma won twero, dok in Lubanga ma kilworo, pien igwoko gicikeni ki mar meri ma pe loke, kadi wa ikare ma wabedo ki can ma pek tutwali in pe iweko obedo gin ma tidi mo ki tung boti, can meno opoto ikomwa, ki ikom lukerwa, ki ikom rwodiwa, ki ikom ajwakiwa, ki ikom lunebiwa, ki ikom kwariwa, ki ikom lwaki ducu, nia wa ikare pa luker me Aciria nio kwede wa onyo. 33Ento in itimo gin matye atir pi pwodowa kitmeno; in ibedo katic kwedwa ki ada, ento wan aye ma watyeko timo bal. 34Lukerwa, rwodiwa, kacel ki ajwakiwa, ki kwariwa ducu yam pe gugwoko ciki, dok pe gulubu gin ma iciko kadi wa juk ducu ma onongo ijukugi kwede. 35Luker guloyo lwaki pi gum madit ma imiyo botgi, ikare ma gubedo kama lac i ngom maber ma ceko cam ma imiyo botgi, ento gin pe guloke, pe guweko timgi marac wek gutii gin ma imito. 36Nen, kombedi wan dong wadoko opii i lobo mayam imiyowa ni wacam gin ma ocek i potone ki yomcwiny, kacel ki jami ducu mabeco ma nonge iye. 37Lonyo me lobo ducu cito icing luker ma in iketogi me loyowa pi balwa; gin gitye ki tek me loyo komwa ki limwa makwo ducu kit ma gimito, omiyo wan kombedi watye ki atwom madwong.”

Lwak guketo cinggi i cike

38Pi gin ducu ma dong otyeko time, wan Lujudaya kombedi waketo cingwa icike ma wacoyo acoya i buk, dok rwodiwa, Lulevi ki ajwakiwa ducu guketo cinggi icike man me mokone matwal.