Nekemia 7

1Ka tic me gero cel dong otum, ma aketo dogola lalor dogcel ducu, ci aketo lugwok dogola, ki luwer, ka dok ayero Lulevi aketogi i dog ticgi. 2Aketo jo aryo me loyo taun madit me Jerucalem, omera Kanani, ki Anania, ma ladit wi mony maloyo taun me cel gogo. Anania obedo dano ma gene, dok ngat ma lworo Lubanga makato lwak mukenegu ducu. 3Ci awaco botgi ni, “Pe wuwek kiyab dogcel me Jerucalem nio ka ceng dong odoko lyet, ka dok kilor dogcel woko kiceggi ki rii ma nongo pud peya lukurpiny guweko dog ticgi ma ceng cito kapoto. Ka dok bene atito botgi ni guyer lukurpiny ki ikin lwak ma gibedo i Jerucalem, ci guketogi i dog tic ma mite, dano acel acel myero obed i kabedone, kun kuru piny kama okeme ki ode kikome.”

Nying dano ma gudwogo cen ki i opii

(Eji 2:1-70)

4Taun madit meno me Jerucalem onongo lac dok dit mada, ento jo ma gin bedo iye onongo pe gidwong, dok onongo pud peya kigero odi mapol iye.

5Lubanga dok oketo tame i cwinya me guru lwak, wek arwate ki rwodi ki ludito ma giloyo wi lwak kacel, wek kico nyinggi i buk me tekwarogi. Ci anongo i buk me tekwaro nying jo ma gilubu jo mukwongo dwogo cen ki i opii, anongo kicoyo nyinggi kit man:

6Magi gin aye lwak ma con gubedo i lobo Juda ma ceng gudwogo cen ki i opii kama yam Nebukadnejar rwot me Babilon oterogi iye kunu macalo lumabuc. 7Lutela wigi aye Jerubabel, ki Yecwa, Nekemia, Ajaria, Raamia, Nakamani, Mordekai, Bilcan, Micperet, Bigvai, Nekum, ki Baana.

Man aye wel co ma ikin jo Icrael. 8Likwayo pa Paroc, alip aryo ki miya acel ki pyere abiro wiye aryo. 9Likwayo pa Cepatia, miya adek ki pyere abiro wiye aryo. 10Likwayo pa Ara, miya abicel ki pyere abic wiye aryo. 11Likwayo pa Pakat-moab, ma gin aye likwayo pa Yecwa ki Joab, alip aryo ki miya aboro ki apar wiye aboro. 12Likwayo pa Elam, alip acel ki miya aryo ki pyere abic wiye angwen, 13Likwayo pa Jatu, miya aboro ki pyere angwen wiye abic. 14Likwayo pa Jakai, miya abiro ki pyere abicel. 15Likwayo pa Binui, miya abicel ki pyere angwen wiye aboro. 16Likwayo pa Bebai, miya abicel ki pyere aryo wiye aboro. 17Likwayo pa Ajgad, alip aryo ki miya adek ki pyere aryo wiye aryo. 18Likwayo pa Adonikam, miya abicel ki pyere abicel wiye abiro. 19Likwayo pa Bigvai, alip aryo ki pyere abicel wiye abiro. 20Likwayo pa Adin, miya abicel ki pyere abic wiye abic. 21Likwayo pa Ater, ma en aye likwayo pa Kejekia, pyere abongwen wiye aboro. 22Likwayo pa Kacum, miya adek ki pyere aryo wiye aboro. 23Likwayo pa Bejai, miya adek ki pyere aryo wiye angwen. 24Likwayo pa Karip miya acel ki apar wiye aryo. 25Likwayo pa Gibeon, pyere abongwen wiye abic.

26Jo ma yam kwarigi obedo i taun magi bene gudwogo cen: Beterekem kacel ki jo Netopa, miya acel ki pyere aboro wiye aboro. 27Jo Anatot, miya acel ki pyere aryo wiye aboro. 28Jo Beta-jimavet, pyere angwen wiye aryo. 29Jo Kiriat-arim, jo Kepira, ki jo Beerot, miya abiro ki pyere angwen wiye adek. 30Jo Rama ki jo Geba, miya abicel ki pyere aryo wiye acel. 31Jo Mikmac, miya acel ki pyere aryo wiye aryo. 32Jo Betel ki jo Ai, miya acel ki pyere aryo wiye adek. 33Jo Nebo mukenene, pyere abic wiye aryo. 34Jo Elam mukenene, alip acel ki miya aryo ki pyere abic wiye angwen. 35Jo Karim, miya adek ki pyere aryo. 36Jo Jeriko, miya adek ki pyere angwen wiye abic. 37Jo Lod, jo Kadid, ki jo Ono, miya abiro ki pyere aryo wiye acel. 38Jo Cenaa, alip adek ki miya abongwen ki pyere adek.

39Man aye nying likwayo pa ajwaki ma gudwogo cen ki i opii: likwayo pa Jedaya, ma i dog ot pa Yecwa, miya abongwen ki pyere abiro wiye adek. 40Likwayo pa Imer, alip acel ki pyere abic wiye aryo. 41Likwayo pa Packur, alip acel ki miya aryo ki pyere angwen wiye abiro. 42Likwayo pa Karim, alip acel ki apar wiye abiro.

43Man aye wel Lulevi: likwayo pa Yecwa ki Kadmiel, ma ikin likwayo pa Kodeva, pyere abiro wiye angwen.

44Luwer ma gin likwayo pa Acap, miya acel ki pyere angwen wiye aboro. 45Likwayo pa lugwok dogola ma gin aye likwayo pa Calum, likwayo pa Ater, likwayo pa Talmon, likwayo pa Akub, likwayo pa Katita, likwayo pa Cobai, gin ducu onongo giromo miya acel ki pyere adek wiye aboro.

46Magi gin aye lutic i Ot pa Lubanga: likwayo pa Jika, likwayo pa Kacupa, likwayo pa Tabaot, 47likwayo pa Keroc, likwayo pa Cia, likwayo pa Padon, 48likwayo pa Lebana, likwayo pa Agaba, likwayo pa Camlai, 49likwayo pa Kanan, likwayo pa Gidel, likwayo pa Gakar, 50likwayo pa Re-aya, likwayo pa Rejin, likwayo pa Nekoda, 51likwayo pa Gajam, likwayo pa Uja, likwayo pa Pacea, 52likwayo pa Becai, likwayo pa Meunim, likwayo pa Nepucecim, 53likwayo pa Bakbuk, likwayo pa Akupa, likwayo pa Arur, 54likwayo pa Bajlit, likwayo pa Mekida, likwayo pa Arca, 55likwayo pa Barkoc, likwayo pa Cicera, likwayo pa Tema, 56likwayo pa Nejia, ki likwayo pa Katipa.

57Likwayo pa lutic pa Solomon gin ene: likwayo pa Cotai, likwayo pa Coperet, likwayo pa Perida, 58likwayo pa Jaala, likwayo pa Darkon, likwayo pa Gidel, 59likwayo pa Cepatia, likwayo pa Katil, likwayo pa Poceret-kajebaim, ki likwayo pa Amon.

60Jo ma gitiyo i ot pa Lubanga ki likwayo pa lutic pa Solomon, onongo welgi romo miya adek ki pyere abongwen wiye aryo.

61Magi aye gin jo ma gubino ma gua ki i Tel-mela, Tel-karca, Kerub, Adon ki Imer, ento onongo pe gutwero nyutu dog odi pa kwarigi, kace onongo yam gin jo Icrael: 62likwayo pa Delaya, likwayo pa Tobia, ki likwayo pa Nekoda, gin ducu miya abicel ki pyere angwen wiye aryo.

63Dok jo magi onongo gitye ikin likwayo pa ajwaki: likwayo pa Kobaya, likwayo pa Kakoj, likwayo pa Barjilai mayam onyomo dakone ki ikin anyira pa Barjilai ma jo Gilead; yam kilwongo en ki nyinggi. 64Gin gubedo kayenyo nyinggi ikin lwak nying ma kicoyogi i buk me tekwaro, ento pe gunongo iye nyinggi, omiyo kikwanyogi woko ki ikin ajwaki calo jo ma komgi ki keni. 651Laloyo otito botgi ni gin pe gunywak camo cam maleng makato, nio wang ma ajwaka obinen ma bipenyo dog Rwot ki Urim ki Tumim.

66Lwak ma gucoke ducu welgi romo alip pyere angwen wiye aryo ki miya adek ki pyere abicel, 67ma pe kikwano iye lwak luticgi ki angecagi ma welgi romo alip abiro ki miya adek ki pyere adek wiye abiro. Onongo gitye bene ki luwer ma co ki ma mon miya aryo ki pyere angwen wiye abic. 68Aguraguragi yam tye miya abiro ki pyere adek wiye abicel, ki kanagi maditone miya aryo ki pyere angwen wiye abic, 69kinagagi romo miya angwen ki pyere adek wiye abic, ki kanagi romo alip abicel ki miya abiro ki pyere aryo.

70Ikare meno jo mogo ma i kin ludito wi kaka ma giloyo dog odi pa kwarigi gumiyo kony me lim pi gero Ot pa Lubanga. Laloyo omiyo lim i ot kano lim maromo kilo aboro ki nucu me jabu, becen pyere abic, ki bongi aruka pa ajwaki maromo miya abic ki pyere adek. 71Jo mogo ma i kin ludito wi kaka ma giloyo dog odi pa kwarigi bene gumiyo lim i ot kano lim pi tic, lim maromo kilo miya acel ki pyere abic wiye adek me jabu ki mina me ryal alip aryo ki miya aryo. 72Jo mukene mudonge gumiyo lim maromo darik me jabu alip pyere aryo, ki mina me ryal alip aryo, ki bongi aruka pa ajwaki maromo pyere abicel wiye abiro. 732

Ajwaki, Lulevi, ki lugwok dogola, luwer, ki jo mogo mukene, ma lutic i Ot pa Lubanga ki jo Icrael ducu gubedo kabedo i taun madit me Jerucalem ki i taun mapatpat matye i Juda.