Nekemia 11

Jo ma gubedo i Jerucalem

1Lutela wi lwak gubedo i Jerucalem, kadong lwak mukenegu gubolo kwir me yero dog ot acel ikom apar me cito kabedo i taun madit maleng me Jerucalem, kadong jo mukene mudongeni gubedo i taun madito ki matino mukeneni. 2Lwak gupwoyo jo ma gumine pirgi ken gi me bedo i Jerucalem. 31

Magi aye ludito me lobo Juda ma gubedo i Jerucalem. Ento ki i taun gi mukene ducu ma i Juda dano acel acel con obedo gire i lobone ma i taun maditogi, ci jo Icrael, ajwaki, Lulevi, lutic i Ot pa Lubanga, ki likwayo pa lutic pa Solomon, ngat acel acel okwo ki jamine kikome.

4Likwayo pa Juda ki likwayo pa Benjamin bene gubedo i Jerucalem.

Magi aye likwayo pa Juda ma gubedo i Jerucalem: Ataya ma wod pa Ujia, ma wod pa Jekaria, ma wod pa Amaria, ma wod pa Cepatia, ma wod pa Makalalel, ma ikin likwayo pa Perej.

5Maaceya wod pa Baruk, ma wod pa Kolkoje, ma wod pa Kajaya, ma wod pa Adaya, ma wod pa Joyarib, ma wod pa Jekaria, ma ikin likwayo pa Cela.

6Likwayo pa Perej ducu ma gubedo i Jerucalem onongo giromo miya angwen ki pyere abicel wiye aboro ma gin twoni oteka.

7Magi aye likwayo pa Benjamin: Calu wod pa Meculam, ma wod pa Joed, wod pa Pedaya, ma wod pa Kolaya, ma wod pa Maaceya, ma wod pa Itiel, ma wod pa Jecaya.

8Jo ma gulubu en obedo Gabai, Calai, ki jo miya abongwen ki pyere aryo wiye aboro. 9Joel wod pa Jikri obedo laditgi: ki Juda wod pa Kacenua obedo ladit me aryo maloyo taun.

10Magi aye likwayo pa ajwaki: mukwongo aye Jedaya wod pa Joyarib, ki Jakin. 11Me aryone aye Ceraya wod pa Ilkia ma wod pa Meculam ma wod pa Jadok, ma wod pa Merayot, ma wod pa Akitub, ma obedo ajwaka madit, 12ki utmegigi ma gutiyo tic ikom ot, gin ducu miya aboro ki pyere aryo wiye aryo. Me adeke aye Adaya wod pa Jerokam, ma wod pa Pelalia, ma wod pa Amji, ma wod pa Jekaria, ma wod pa Packur, ma wod pa Malkija, 13ki utmegine, ma giloyo dog odi pa kwarigi, gin ducu giromo miya aryo ki pyere angwen wiye aryo. Me angwene aye Amacai, ma wod pa Ajarel, ma wod pa Imer, 14ki utmegigi, ma gin twoni oteka ma ngene, gin ducu giromo miya acel ki pyere aryo wiye aboro. Jabdiel wod pa Kagedolim aye obedo laditgi.

15Magi aye likwayo pa Lulevi: Cemaya wod pa Kacub, ma wod pa Ajrikam, ma wod pa Kacabia, ma wod pa Buni; 16ki Cabetai, ki Jojabad, ma gin ludito ikin ludito pa Lulevi, ma gubedo kaloyo dano i dog tic ma tung woko ma gitiyo ikom Ot pa Lubanga.

17Ka dok Matania wod pa Mika, ma wod pa Jabdi, ma wod pa Acap, ma obedo latela ma en aye ocako lega ikare meno me pwoc, ki Bakbukia, ma en dano me aryone ikin utmegine.

Kadok Abda wod pa Camua, ma wod pa Galal, ma wod pa Jedutun. 18Lulevi ducu ma gubedo i taun madit maleng me Jerucalem gin ducu miya aryo ki pyere aboro wiye angwen.

19Lugwok dogola me Ot pa Lubanga obedo Akub, Talmon ki utmegigi mayam gigwoko dogola; onongo gin ducu miya acel ki pyere abiro wiye aryo.

20Jo Icrael mukene ma gudong kacel ki Lulevi ki ajwaki gubedo i dul lobo mayam kimiyo me bedo meggi matwal ki i taun mukene matye i Juda. 21Ento lutic i Ot pa Lubanga gubedo i kabedo matye i Jerucalem ma kilwongo ni Opel; kun ludito ma loyogi i dog tic gin aye Jika ki Gicpa.

22Ladit ma obedo lanen ma onongo loyo Lulevi i dog tic i Jerucalem obedo Uji wod pa Bani, ma wod pa Kacabia, ma wod pa Matania, ma wod pa Mika, ma ikin likwayo pa Acap, ma gin yam luwer pi tic ma i Ot pa Lubanga. 23Onongo rwot oketo cik ma tiko gin luwer kun tito botgi kit macalo kaka mapatpat myero guwer kwede wer i Ot pa Lubanga, kun gileyo aleya nino ki nino.

24Petakia wod pa Mecejabel, ma en ngat acel ikin likwayo pa Jera ma i kaka pa Juda, yam obedo lamii tam pa rwot ikom lok ducu ma mako lwak.

Lwak ma gibedo i taun madito ki ma i taun mukene

25Jo mapol ma ikom lwak gubedo i taun gi matino macok ki potigi. Jo pa Juda gubedo i gang ma kilwongo ni Kiriat-arba ki i gangi matino ma ingete, ki i Dibon ki i gangi matino ma ingete, ki i Jekabjeel ki i gangi ma ingete ki taun madito ma ingete. 26Gin bene gubedo i taun madito magi: Yecwa, Molada ki Betpelet, 27Kajar-cual ma i Beer-ceba ki i gangi matino ma i ngete. 28Jiklag Mekona ki taun madito ki matino ma i ngete, 29En-rimmon, Jora, Jarmut, 30Janoa, Adulam ki gangi matino ma ingetgi ducu, Lakic ki poto ma ingete, ki Ajeka ki gangi matino ma ingete. Gin gugony gubedo nia Beer-ceba nio kwede wa i nota pa Kinom. 31Jo Benjamin gubedo i Geba, Mikmac, Aija, Betel ki gangi matino ma i ngete, 32Anatot, Nob, Anania, 33Kajor Rama, Gitaim, 34Kadid, Jeboim, Nebalat, 35Lod, ki Ono, i Nota pa Lutic Diro. 36Dok dul jo pa Lulevi mukene ma i Juda kiribogi woko ikom jo Benjamin.