Malaki 1

1Man lok ma pire tek ma Rwot oloko bot jo Icrael ma Malaki otito botgi.

Mar pa Rwot pi jo Icrael

212

Rwot waco bot jo Icrael ni, “An dong atyeko marowu.”

Ento lwak gugamo ni, “In ityeko marowa ningning?”

Ci Rwot ogamo ni, “Ecau pe omin Yakobo? Yam amaro Yakobo, ento 3akwero Ecau; ci abalo lobone woko ma obedo godigodi, dok amiyo lobo ma en oleyo bot too me tim.”

4Ka jo Edom guwaco ni, “Kinginyowa woko piny, ento wabigedo wi oburwa odoco.” Ento Rwot me mony bidok iye kuman ni, “Gwok nyo gibigero gangi, ento an abireto odigi woko ducu piny, nio wang ma kibilwongo ni, ‘Lobo pa lubalo,’ ki jone kibilwongo ni, ‘Jo ma kiniga mako Rwot ikomgi nakanaka.’”

5Wubineno man ki wangwu, dok wubiwaco ni, “Rwot dit wa inge apoki wang lobo me Icrael ikin lurok.”

Rwot ojuku Ajwaki

6Rwot waco bot ajwaki ni, “Latin woro wone, ki opii woro ladite. Ci ka an a wonwu, pingo pe wuwora? Ka an ladit, ci pingo pe wulwora? Man lok ma an Rwot me mony aye aloko botwu, wun ajwaki, ma wucayo nyinga. Ci wun wupenyo ni, ‘Wan dok wacayo nyingi ningning kono?’ 7Wucayo nyinga ki tyero cam me kwer iwi keno tyera. Dok wuwaco ni, ‘Watimo tim me kwer iye ningning?’ An dong awaco botwu ni wuloko mejana odoko gin acaya. 83Ka wutyero wa lee ma wanggi oto woko me gitum, meno pe bal? Dok wutyero gin ma ongolgu nyo matwo, meno bene pe bal? Kong wumii meno bot laloc mewu, ci wutamo ni cwinye bibedo yom ikomwu? Dok bitimowu ber? Man lok ma an Rwot me mony aye aloko.”

9Dong kombedi wun ajwaki, wuteme me kwayo kica bot Lubanga, wek otimwa ber. En pe bigamo legawu, ci man bibedo balwu. 10Rwot Lubanga owaco ni, “Kono kong onongo tye ngat mo ikinwu ma bicego dogola me Ot ma mera, wek pe wubimok mac ikom keno tyerna nonono! Cwinya pe yom ikomwu, dok pe abigamo gityer ki i cingwu. 11Pieno wunge ni cake tung kunyango nio tung potoceng nyinga dit ikin lurok, dok i kabedo acel acel giwango iye gin ma ngwece kur, me gityer ma cwinya opwoyo, ki gityer maber ma myero; pien gin ducu giworo an. 12Ento wun wucaya kun wuwaco ni mejana konye mo peke, dok cam ma wun wucayo aye wutyero iwiye. 13Dok wun wuwaco ni, ‘Nen, gin man olowa tutwal!’ Ki dok bene wujwiya, man lok ma Rwot me mony aye owaco. Ka dok wukelo gin ma kimayo tektek bota, nyo ma ongolgu, nyo gin ma two, bene wukelo macalo gityerwu. Ci an abigamo gityer macalo kitmeno ki i cingwu? 14Ngat ma laram ma tyero nyok ma konye mo peke ki ikin romine dong kicene woko, kun nongo idwole tye iye nyogi mabeco ma en ocike me tyero bota; pien An a Rwot madit, nyinga bene kilworo ikin lurok.”