Yocwa 15

Lobo ma kipoko bot jo Juda

1Dul lobo ma kipoko bot kaka pa Juda kibolo kwir ma oporo dogolagi obedo tung kupiny macok ki wang lobo pa jo Edom, i tim Jin ci ogik i Negeb tung kupiny. 2Wang lobogi matye tung kupiny ocake i agiki Nam me Kado ki i acol nam ma okemo tung kupiny; 3ka dok ocito kwede tung kupiny kama ki ito iye malo i Akrabim, ka okato wa i Jin, ocito kwede malo inget Kadec-barnea tung kupiny, orabo nget Kejeron nio wa i Adar, ka dok oloke odok kwede tung Karka. 4Ka dok okato ocito i Ajimon, oo i nota ora me Ejipt, ka ogik i dog Nam Mediterranean. Meno aye wang lobogi tung kupiny.

5Wang lobogi tung kunyango aye Nam me Kado nio kama kulu Jordan gik iye. Wang lobo tung kupiny ocake i acol nam kama Jordan ogik iye, 6ka dok cito Bet-kogla, kato kwede inget Bet-araba tung kumalo, nio wa i got ma Boan wod pa Reuben ocibo. 7Ka dok cito malo i Debir kun oa ki i nota me Akor, kemo kwede tung kumalo, ka dong loke kemo Gilgal ma inyim kor got kama ki ito iye malo i Adumim ma inget nota ora tung kupiny. Ka dong kato cito wa i pii me En-cemec ci gik kwede i En-rogel. 8Ki kunu wang lobo lubu nota pa wod pa Kinom i kor got pa jo Jebuc tung kupiny kama taun madit me Jerucalem tye iye. Ka dok wang lobo cito malo iwi got ma okemo nota pa Kinom tung kupotoceng, i agiki lung me Repaim tung kupiny. 9Omede kun a ki iwi got cito iwang pii me Neputoa, kato kwede wa i taun madito ma i got Epron, ci loke mano tung Baala (en aye Kiriat-jearim). 10Ka dong oa ki i Baala ci gono cito kun kemo tung kupotoceng nio kwede i got Ceir, kato kwede i kor got Jearim tung kumalo (en aye Kecalon). Ka dok lunge cito piny i Bet-cemec, kato kwede inget Timna. 11Wang lobo a ki kunu cito i kor got ma inget Ekron tung kumalo, ka dok loke cito Cikeron, kato kwede wa i got Baala, cito i Jabneel; ka dok gik woko i dog Nam Mediterranean. 12Wang lobo tung kupotoceng lubu dog Nam Mediterranean ki wang wate. Meno aye wang lobo ducu ma okwako lobo pa jo pa Juda ma oporo dogolagi.

Kaleb oloyo Kebron ki Debir

(Lung 1:10-15)

131

Kaleb wod pa Jepune yam kimiyo dul lobo ikin jo pa Juda, kit ma onongo Rwot ociko ki Yocwa. Yocwa omiye taun madit Kiriat-arba, ma en aye Kebron, ma obedo pa Arba. Arba obedo kwaro pa jo Anak. 14Ci Kaleb oryemo likwayo adek pa Anak mayam tye kunu, gin aye Cecai, Akiman ki Talmai. 15Kaleb oa ki kunu ocito olwenyo ikom jo ma gibedo Debir. Nying Debir yam obedo Kiriat-ceper. 16Ci Kaleb owaco ni, “Ka ngat mo olwenyo ikom Kiriat-ceper ce oloyo, ci abimiye nyara Akaca obed dakone.” 17Otiniel wod pa Kenaj omin Kaleb aye oloyo, ci Kaleb omiye nyare Akaca obedo dakone. 18Inino ma Otiniel onyomo Akaca, Otiniel odiye ni openy poto mo bot wone. Akaca opye piny ki iwi kanane ci Kaleb openye ni, “I mito gin ango nyara?” 19Ci nyare ogamo ni, “Miya mot mo do. Macalo dong iketa wa i lobo Negeb, dok imiya wang it mo bene.” Kaleb omiye wang it ma kumalo ki wang it ma kupiny bene.

Taun madito pa jo pa Juda

20Man aye lobo pa jo me kaka pa Juda ma oporo dogolagi. 21Taun gi madito ma obedo kama lobogi ogik iye tung kupiny i Negeb, ma dok tung wang lobo pa jo Edom gin ene: Kabeel, Eder, Jagur, 22Kina, Dimona, Adada, 23Kedec, Kajor, Itnan, 24Jip, Telem, Bealot, 25Kajor-kadata, Keriot-kejeron, ma en aye Kajor, 26Amam, Cema, Molada, 27Kajar-gada, Kecmon, Betpelet, 28Kajar-cual, Beer-ceba, Bijiotia, 29Baala, Iyim, Ejem, 30Eltolad, Kecil, Korma, 31Jiklag, Madmana, Cancana, 32Lebaot, Cilim, Ain ki Rimmon; gin ducu taun madito pyere aryo ki taun matino ma ingetgi.

33Taun gi madito ma obedo i apyel gin ene: Ectaol, Jora, Acna, 34Janoa, En-ganim, Tapua, Enam, 35Jarmut, Adulam, Coko, Ajeka, 36Caaraim, Aditaim, Gedera, ki Gederotaim; taun apar wiye angwen ki taun matino ma ingetgi.

37Jenan, Kadaca, Migdal-gad, 38Dilean, Mijpe, Jokteel, 39Lakic, Bojkat, Eglon, 40Kabon, Lamam. Kitlic, 41Gederot, Bet-dagon, Naama ki Makeda; taun madito apar wiye abicel ki taun matino ma ingetgi.

42Libna, Eter, Acan, 43Ipta, Acna, Nejib, 44Keila, Akijib ki Mareca; taun madito abongwen ki taun matino ma ingetgi.

45Ekron ki taun ki gangi ma ingete; 46cake ki i Ekton cito kwede i dog Nam Mediterranean ki taun madito ducu matye tung Acidod ki gangi matino ma ingetgi.

47Acidod kacel ki taun ki gangi ma ingete; Gaja ki taun ki gangi ma ingete cito wa i nota ora me Ejipt ki Nam Mediterranean ki wang wate.

48I lobo godi onongo tye, Camir, Jatir, Coko, 49Dana, Kiriat-cana, en aye Debir, 50Anab, Ectemo, Anim, 51Gocen, Kolon ki Gilo; taun madito apar wiye acel ki taun ma ingetgi.

52Arab, Duma, Eean, 53Janim, Bettapua, Apeka, 54Kumta, Kiriat-arba, en aye Kebron, ki Jior; taun madito abongwen ki taun matino ma ingetgi.

55Maon, Karmel, Jip, Juta, 56Jejreel, Jokdeam, Janoa, 57Kain, Gibea ki Timna; taun madito apar ki taun matino ma ingetgi.

58Kalkul, Bet-jur, Gedor, 59Maarat, Bet-anot ki Eltekon; taun madito abicel ki taun matino ma ingetgi.

60Kiriat-baal, en aye Kiriat-jearim, ki Raba; taun madito aryo ki taun matino ma ingetgi.

61Taun madito matye i dye tim gin aye, Bet-araba, Midin, Cekaka, 62Nibcan, Taun madit me Kado, ki En-gedi; taun madito abicel ki taun matino ma ingetgi. 632

Ento jo Jebuc, ma gin aye jo ma gibedo i Jerucalem, jo Juda pe guryemogi woko ki i lobogi, ma omiyo jo Jebuc gunywako bedo kacel ki jo Juda i Jerucalem nio kwede wa onyo.