Yocwa 12

Luker ma Moses oloyo ki lweny

11

Magi aye nying luker ma i lobonu ma jo Icrael guloyogi ci gumako lobogi ma i loka Jordan tung kunyango, ci gucamo odoko meggi, cake wa i kulu Arnon nio kwede wa i got Kermon, kacel ki Araba ducu ma tung kupotoceng. 2Gin aye Cikon rwot pa jo Amor mayam bedo i Kecbon kun loyo kwede lobo ma ocake wa i Aroer matye i dog nota me kulu Arnon, dok cake ki i dye notanu nio kwede i kulu Jabok ma iwang lobo pa jo Ammon, man tye nucu lobo me Gilead; 3med iye Araba nio wa i nam me Kinerot tung kunyango ki tung yoo mukemo Bet-jecimot nio wa i nam me Araba, ma en aye nam me Kado, cito kwede wa i apyel got Piciga. 4Ka dok Og rwot me Bacan, en aye ngat acel mayam odong ki ikom jo Repaim, mayam bedo i Acitarot ki i Edrei. 5En yam loyo got Kermon ki Caleka ki Bacan nio kwede wa iwang lobo pa jo Gecur ki jo Maaka, ki nucu lobo Gilead nio wa iwang lobo pa Cikon rwot me Kecbon. 62Moses ma latic pa Rwot, kacel ki jo Icrael yam oloyogi; ci Moses latic pa Rwot omiyo lobogi bot jo pa Reuben ki jo pa Gad ki nucu kaka pa Manace obed meggi.

Luker ma Yocwa oloyogi

7Magi aye luker ma i lobonu mayam Yocwa ki jo Icrael guloyogi loka Jordan tung kupotoceng, cake ki i Baal-gad i nota me Lebanon nio wa i got Kalak kama lobo otinge odok kwede tung Ceir, Yocwa omiyo lobogi bot jo Icrael me bedo meggi kun kipoko malubu kwir ma kibolo, 8i lobo godigodi, ki i lobo ma i nota, i Araba, i lobo ma i apyel got, i tim, i Negeb ki i lobo pa jo Kit, jo Amor, jo Kanaan, jo Periji, jo Kiv ki jo Jebuc; nyinggi ene: 9rwot me Jeriko, rwot me Ai matye inget Betel; 10rwot me Jerucalem, rwot me Kebron; 11rwot me Jarmut, rwot me Lakic; 12rwot me Eglon, rwot me Gejer; 13rwot me Debir, rwot me Geder; 14rwot me Korma, rwot me Arad; 15rwot me Libna, rwot me Adulam; 16rwot me Makeda, rwot me Betel; 17rwot me Tapua, rwot me Keper; 18rwot me Apek, rwot me Apek ma i Caron; 19rwot me Madon, rwot me Kajor; 20rwot me Cimron Meron, rwot me Akicap; 21rwot me Taanak, rwot me Megiddo; 22rwot me Kedec, rwot me Jokneam ma i Karmel; 23rwot me Dor ma i Napat-dor, rwot me Goyim ma i Galilaya; 24ki rwot me Tirja; gin ducu rwodi pyere adek wiye acel.