Ejira 2

Wel dano ma gudwogo cen ki i opii

(Nek 7:4-73)

1Magi aye jo me lobo Juda mayam kiyakogi ci kiterogi i opii i lobo Babilon ma Nebukadnejar rwot me Babilon con otweyogi kunu: ci gudwogo i Jerucalem ki i Juda, kun dano acel acel dok i taune kikome. 2Gin gudwogo cen kacel ki jo magi: Jerubabel, Yocwa, Nekemia, Ceraya, Reelaya, Mordekai, Bilcan, Micpar, Bigvai, Rekum, ki Baana.

Man aye wel dano ma i kaka pa jo Icrael: 3likwayo pa Paroc, alip aryo ki miya acel ki pyere abiro wiye aryo.

4Likwayo pa Cepatia, miya adek ki pyere abiro wiye aryo. 5Likwayo pa Ara, miya abiro ki pyere abiro wiye abic. 6Likwayo pa Pakat-moab, ma gin aye likwayo pa Yocwa ki Joab, alip aryo ki miya aboro ki apar wiye aryo. 7Ki likwayo pa Elam, alip acel ki miya aryo ki pyere abic wiye angwen. 8Likwayo pa Jatu, miya abongwen ki pyere angwen wiye abic. 9Likwayo pa Jakai, miya abiro ki pyere abicel. 10Likwayo pa Bani, miya abicel ki pyere angwen wiye aryo. 11Likwayo pa Bebai, miya abicel ki pyere aryo wiye adek. 12Likwayo pa Ajgad, alip acel ki miya aryo ki pyere aryo wiye aryo. 13Likwayo pa Adonikam, miya abicel ki pyere abicel wiye abicel. 14Likwayo pa Bigvai, alip aryo ki pyere abic wiye abicel. 15Likwayo pa Adin, miya angwen ki pyere abic wiye angwen. 16Likwayo pa Ater, ma en aye likwayo pa Kejekia, pyere abongwen wiye aboro. 17Likwayo pa Bejai, miya adek ki pyere aryo wiye adek. 18Likwayo pa Jora, miya acel ki apar wiye aryo. 19Likwayo pa Kacum, miya aryo ki pyere aryo wiye adek. 20Likwayo pa Gibar, pyere abongwen wiye abic, 21jo Beterekem, miya acel ki pyere aryo wiye adek. 22Jo Netopa, pyere abic wiye abicel. 23Jo Anatot, miya acel ki pyere aryo wiye aboro. 24Jo Ajimavet, pyere angwen wiye aryo. 25Jo Kiriatarim, jo Kepira, ki jo Beerot, miya abiro ki pyere angwen wiye adek. 26Jo Rama ki jo Geba, miya abicel ki pyere aryo wiye acel. 27Jo Mikmac, miya acel ki pyere aryo wiye aryo. 28Jo Betel ki Ai, miya aryo ki pyere aryo wiye adek. 29Jo Nebo, pyere abic wiye aryo, 30jo Magbie, miya acel ki pyere abic wiye abicel. 31Jo Elam mukenene, alip acel ki miya aryo ki pyere abic wiye angwen. 32Jo Karim, miya adek ki pyere aryo. 33Jo Lod, jo Kadid, ki jo Ono, miya abiro ki pyere aryo wiye abic. 34Jo Jeriko, miya adek ki pyere angwen wiye abic. 35Jo Cenaa alip adek ki miya abicel ki pyere adek.

36Magi aye wel ajwaki pa Lubanga: likwayo pa Jedaya, ma i dog ot pa Yocwa, miya abongwen ki pyere abiro wiye adek. 37Likwayo pa Imer, alip acel ki pyere abic wiye aryo. 38Likwayo pa Packur, alip acel ki miya aryo ki pyere angwen wiye abiro. 39Likwayo pa Karim, alip acel ki apar wiye abiro.

40Man aye wel Lulevi: Likwayo pa Yocwa ki Kadmiel, ma ikin likwayo pa Kodavia, pyere abiro wiye angwen. 41Luwer ma likwayo pa Acap, miya acel ki pyere aryo wiye aboro. 42Likwayo pa lugwok dogola ma gin likwayo pa Calum, likwayo pa Ater, likwayo pa Talmon, likwayo pa Akub, likwayo pa Katita, ki likwayo pa Cobai, gin ducu onongo giromo miya acel ki pyere adek wiye abongwen.

43Magi aye lutic i Ot pa Lubanga: likwayo pa Jika, likwayo pa Kacupa, likwayo pa Tabaot, 44likwayo pa Keroc, likwayo pa Ciaka, likwayo pa Padon, 45likwayo pa Lebana, likwayo pa Agaba, likwayo pa Akub, 46likwayo pa Kagab, likwayo pa Camlai, likwayo pa Kanan, 47likwayo pa Gidel, likwayo pa Gakar, likwayo pa Re-aya, 48likwayo pa Rejin, likwayo pa Nekoda, likwayo pa Gajam, 49likwayo pa Uja, likwayo pa Pacea, likwayo pa Becai, 50likwayo pa Acna, likwayo pa Meunim, likwayo pa Nepicim, 51likwayo pa Bakbuk, likwayo pa Akupa, likwayo pa Arur, 52likwayo pa Bajlut, likwayo pa Mekida, likwayo pa Arca, 53likwayo pa Barkoc, likwayo pa Cicera, likwayo pa Tema, 54likwayo pa Nejia, ki likwayo pa Atipa.

55Likwayo pa lutic pa Solomon gin aye: likwayo pa Cotai, likwayo pa Kaeoperet, likwayo pa Peruda, 56likwayo pa Jaala, likwayo pa Darkon, likwayo pa Gidel, 57likwayo pa Cepatia, likwayo pa Katil, likwayo pa Poceret-kajebaim, ki likwayo pa Ami.

58Jo ma gitiyo i Ot pa Lubanga ki likwayo pa lutic pa Solomon onongo welgi romo miya adek ki pyere abongwen wiye aryo.

59Magi aye jo ma gubino ma gua ki i Tel-mela, Tel-karca, Kerub, Adan ki Imer, ento gin pe gutwero nyutu dog odi pa kwarogi, ki ikin jo Icrael: 60gin aye likwayo pa Delaya, likwayo pa Tobia, ki likwayo pa Nekoda, gin ducu miya abicel ki pyere abic wiye aryo. 61Dok jo magi gitye ikin likwayo pa ajwaki pa Lubanga: likwayo pa Kabaya likwayo pa Kakoj, ki likwayo pa Barjilai. (En yam onyomo dakone ki ikin anyira pa Barjilai ma jo Gilead. En yam kilwonge ki nying won dakone). 62Gin gubedo kayenyo nyinggi ikin lwak nying ma kicoyogi i buk me tekwaro, ento pe gunongo iye nyinggi, omiyo kikwanyogi woko ki ikin ajwaki calo jo ma komgi ki keni. 631Laloyo ma Lajudaya otito botgi ni gin pe gunywak camo cam maleng wek pe guto, nio wang ma ajwaka pa Lubanga openyo dog Rwot ki Urim ki Tumim.

64Lwak ma gucoke ducu welgi romo alip pyere angwen wiye aryo ki miya adek ki pyere abicel, 65ma pe kikwano iye lwak luticgi ki angecagi ma welgi romo alip abiro ki miya adek ki pyere adek wiye abiro. Onongo gitye bene ki luwer ma co ki ma mon miya aryo. 66Aguraguragi yam tye miya abiro ki pyere adek wiye abicel, ki kanagi maditone miya aryo ki pyere angwen wiye abic, 67kinagagi romo miya angwen ki pyere adek wiye abic, ki kanagi romo alip abicel ki miya abiro ki pyere aryo.

68Ikare ma jo mogo ma ikin ludito wi kaka gubino i Ot pa Rwot matye i Jerucalem, gutyero gityer ma cwinygi opwoyo pi gero Ot pa Lubanga, i kabedone macon kikome. 69Gumiyo lim i ot kano lim me tic kit macalo gitwero, ma wele oromo kilo miya abic me jabu, ki ryal alip aryo ki miya aboro, ki bongi aruka pa ajwaki miya acel. 702

Ajwaki pa Lubanga ki Lulevi ki jo mogo mukene gubedo i Jerucalem ki i kabedo ma cok kwede; luwer, lugwok dogola, ki lutic i Ot pa Lubanga i taun gi mapatpat, ki jo Icrael ducu bene gubedo i taun gi mapatpat.