2 Jo Korint 1

Mot

11

Waraga man oa ki bot an Paulo ma lakwena pa Kricito Yecu pi mit pa Lubanga, ki bot ominwa Temceo.

Bot jo ma oye Lubanga matye i Korint, kacel ki jo pa Lubanga ducu ma gitye i lobo Akaya:

2Kica ki kuc ma a ki bot Lubanga Wonwa ki Rwotwa Yecu Kricito obed kwedwu.

Paulo omiyo pwoc bot Lubanga

3Pak obed bot Lubanga ma en aye Won Rwotwa Yecu Kricito, Won kica ki Lubanga ma lakwe cwiny ducu. 4En kweyo cwinywa ican ducu ma walimo wek wan bene wabed ki twero me kweyo cwiny jo matye ki can mo mapatpat, kun wakweyo cwinygi ikit yo acelu ma Lubanga okweyo kwede cwinywani. 5Pien kit macalo watye ka nywako kacel ican madit ma Kricito yam ociro, kitmeno pi Kricito wan bene wanywako kacel i kweyo cwinywa i yo madit mukato kakare. 6Kace waneno can, meno bedo me lakwe cwinywu, me larewu. Ka kikweyo cwinywa, meno bene miyo kikweyo cwinywu, ci miyo wucako nongo tek bene me ciro kit can acel ma wan wacironi. 7Watye ki gen matek ikomwu, pien wangeyo ni, ka wunywako kwedwa ican ma waciro, kitmeno bene kibikweyo cwinywu kit macalo yam kikweyo kwede cwinywa. 82

Utmegina, pe wamito ni wubed labongo niang ikom can ma waneno i Acia; pekone odiyowa marac mukato kare woko ma pe dok cire, omiyo pe dong wabedo ki gen mo me bedo makwo. 9Onongo dong wangeyo ni kityeko ngolo kop me to iwiwa. Meno otime wek pe wajenge ikomwa kekenwa, ento wajenge ikom Lubanga ma cero jo ma oto. 10En olarowa ki ican me to marac macalo man, dok bene bilarowa; wamoko bene genwa ikome ni bilarowa dok aye. 11Myero wuribe kwedwa ilega, wek omii jo mapol gupwo Lubanga pirwa, pi gin maber ma kitimo botwa pi lega pa jo mapol.

Paulo oloko yub me wote

12Gin ma wanyate pire en ene: wangeyo icwinywa ada ni wakwo i lobo man, makatone wan wakwo kacel kwedwu i ada, kun cwinywa bene leng ikit ma Lubanga mito, pe pi ryeko pa dano, ento pi kica pa Lubanga. 13Wan wacoyo botwu gin ma wutwero kwano dok wuniang. Ageno ni wubiniang matut, 14kadi bed dong kombedi wuniang ikomwa manoknok. Meno bimiyo wubiwake pirwa calo wan bene wabiwake pirwu inino pa Rwotwa Yecu.

15Pien onongo ceng aniang man maber, omiyo yam ayubu ni kong acak wota ki botwu, wek wunong gum kiryo. 163 Pien onongo yam amitoni awok botwu i wota i Makedonia, ki idwogona ki kunu, wek wukonya i wota me cito i Judaya. 17Ikare ma ayubu kitmeno onongo mono abedo ka nen calo acabe acaba iloka? An mono ka ayubu yub ci bedo macalo pa dano matye pi mitine pire kene ma kong ye, ka dok kwero woko? 18Macalo Lubanga gene, lok mayam wawaco botwu pe waloko ka dok lacen wakwero woko. 194 Pien Yecu Kricito Wod pa Lubanga mayam wan ki Silvano ki Temceo watito pire botwu pe obedo ngat ma ye ka dok lacen loke kwero woko, ento en dong omoko lok pa Lubanga. 20Piman i en gin ma Lubanga ociko ni etimo ducu ocobe kakare ikome. Meno aye gin ma omiyo wawaco ni Amen i Yecu Kricito pi miyo deyo bot Lubanga. 21Ngat mamiyo wacung matek kacel kwedwu i Yecu Kricito, dok oyerowa me bedo jo mere, en Lubanga. 22En dong omwono lanen mere woko ikomwa, dok oketo Cwiny mere Maleng i iwa, me moko ni en bimiyowa gin ducu ma en yam ociko.

23Alwongo Lubanga me bedo cadena, en ngeyo gin matye icwinya ducu! Gin ma omiyo pe abino i Korint tye kit man ni onongo amito timowu kica. 24Pe teloke ni wan watye ka diyowu ikom gin ma omyero wuye, wan wangeyo ni wun dong wucung matek ikom niyewu. Ento watiyo kwedwu kacel wek wubed ki yomcwiny.