2 Tekwaro 5

11

Tic ma Solomon otiyo pi Ot pa Rwot otum kitmeno. Ci Solomon okelo jami mayam wone Daudi odyero ki Rwoti, ci oketo ryal, ki jabu, ki jami ticgu ducu i ot me kano lim matye i Ot pa Lubanga.

Solomon okelo Canduk me Gicike i Ot pa Lubanga

(1 Luk 8:1-9)

22

Solomon ocoko ludongo pa jo Icrael ki ludito wi kaka ducu, ma gin aye lutela wi dogola pa kwarigi ma ikin jo Icrael, ci gubino i Jerucalem pi kwanyo Canduk me Gicike pa Rwot ki i gangkal pa Daudi, ma kilwongo ni Cion. 3Ci lwak jo Icrael ducu gucoke inyim rwot pi nino Madito me Bolo matye i dwe me abironi. 4Ludongo pa jo Icrael ducu gubino, ci Lulevi gucako tingo Canduk me Gicike. 5Ka gutero Canduk i Kema me Rwate, kacel ki jami maleng ducu mayam tye i Kema, ma ajwaki ki Lulevi gukelogi. 6Rwot Solomon ki lwak jo Icrael ducu ma gucoke boteni, gubedo inyim Canduk kun gitumu romi ki twonigu mapol ma welgi pe i twero kwanone oyotoyot dok maber bene. 7Kitmeno ajwaki gucako kelo Canduk me Gicike pa Rwot wa i kabedone ma i tyelo me Ot maleng, i Kabedo Maleng Makato ducu, ci guketo piny ite bwom lukerubi. 8Lukerubi guyaro bwomgi ka wi kabedo me Canduk wek lukerubi guum wi canduk woko kacel ki tal latinge ducu. 9Dok tal latinge yam wigi nen ki i Kabedo Maleng ma inyim kabedo maleng ma i tyeloni; ento pe kitwero nenogi ki woko; ci pud gitye kunu nio wa onyo. 103Gin mo onongo pe tye i Canduk, kono kidi aryo ma apada keken mayam Moses oketo i iye ki i Koreb, kama yam Rwot oketo iye gicikene ki jo Icrael, ikare ma gia ki i lobo Ejipt.

Deyo pa Lubanga

1145

Ajwaki gukato woko ki i Kabedo Maleng, pien ajwaki ducu ma onongo gityeni dong gutyeko lonye keken gi, ma pe giparo pi dul ticgi; 12ci Lulevi ducu ma gin luwer, Acap ki Eman, ki Jedutun, ki awobegi, ki utmegigi, onongo guruke ki bongi camanini ma becone, ci gumako atego agoya, ki nanga ki opuk. Kacel kwedgi obedo ajwaki ma giromo miya acel ki pyere aryo ma gin lukut tum. 13Tic pa lukut tum ki luwer en aye me ribo dwon gi kacel kapako ki ka pwoyo Rwot, ki dwon gi ma winye malongo. Ikare ma gucako wer, kacel ki tum ki atego agoya ki jami mukene ducu me wer, pi pako Rwot kun giwero ni,

“Pien Rwot ber,

mar mere ma pe loke bedo nakanaka.”

Ci deyo pa Rwot opongo i ote woko, 14ma omiyo ajwaki pe gitwero cung katiyo ticgi, pien pol ma obedo tye i ot meno, ki deyo pa Rwot nongo opongo i Ot pa Lubanga woko.