2 Tekwaro 36

Rwot Yekoakaj me Juda

(2 Luk 23:30-35)

1Lwak ma gin wegi lobo gukwanyo Yekoakaj wod pa Yocia, ci guketo en obedo rwot me leyo katyen wone i Jerucalem. 2Yekoakaj ocamo ker ma mwaka me dite pyere aryo wiye adek, ci obedo kaloc i Jerucalem pi dwe adek. 3Lacen rwot me Ejipt oryemo Yekoakaj woko ki i ker ka oketo wel ajog mapek ikom jo Juda i wel me kilo alip adek ki miya angwen me ryal ki kilo pyere adek wiye angwen me jabu. 41Rwot me Ejipt oketo Eliakim omin Yekoakaj obedo rwot me Juda ki me Jerucalem ci ocako loko nyinge Yekoyakim; ento Neko okwanyo Yekoakaj otero woko i Ejipt.

Rwot Yekoyakim me Juda

(2 Luk 23:36—24:7)

52

Yekoyakim ocamo ker ma mwaka me dite pyere aryo wiye abic, ci obedo kaloc i Jerucalem pi mwaka apar wiye acel. En obedo katiyo gin manen marac iwang Rwot Lubangane. 63Nebukadnejar rwot me Babilon obino kalweny ikome. Ci omake otweye ki nyor ka otere kwede woko wa i Babilon. 7Nebukadnejar bene okwanyo jami mogo ki ikin jami ma kitiyo kwedgi i Ot pa Rwot oterogi i Babilon, ci oketogi i gang kale i Babilon. 8Lok kom Yekoyakim mudonge ducu, ki tim me kipyedane ducu mayam otiyo, kacel ki tice ki lok ma kinongo ikome, nen, kityeko coyone i Buk pa Luker me Icrael ki me Juda. Wode Yekoyakin aye oleyo katyene.

Rwot Yekoyakin me Juda

(2 Luk 24:8-17)

9Yekoyakin ocamo ker ma mwaka me dite aboro, ci obedo kaloc i Jerucalem pi dwe adek ki nino apar. Obedo katiyo gin manen marac iwang Rwot Lubanga. 104I dog potokot en aye Nebukadnejar ocwalo lutice kaome ci gutere wa i Babilon. Ci gutero wa jami mabeco ma kitiyo kwedgi i Ot pa Rwot. Ci oketo omine Jedekia obedo rwot me loyo jo Juda ki Jerucalem.

Rwot Jedekia me Juda

(2 Luk 24:18-20)

115

Jedekia ocamo ker ma mwaka me dite pyere aryo wiye acel, ci obedo kaloc i Jerucalem pi mwaka apar wiye acel. 12En obedo katiyo gin manen marac iwang Rwot Lubangane. En pe omwole inyim lanebi Jeremia, ma oloko kwede lok ma oa ki bot Rwot Lubanga. 136Jedekia bene ojemo ikom rwot Nebukadnejar mayam omiyo en okwongo kwong ki nying Lubanga; omiyo cwinye obedo nwang ma pe mito loke bot Rwot, Lubanga pa Icrael. 14Ajwaki ma gin lutel kacel ki lwak mukenegu ducu pe gugeno Rwot matwal, gubedo kalubu gin me kwer pa rok mukene, omiyo gubalo kwede Ot pa Rwot woko mayam Rwot otyeko lonyo obedo leng i Jerucalem.

15Rwot, Lubanga pa kwarigi, obedo kacwalo lok botgi teretere kun oro lukwenane me tito botgi, pien kica omako en ikom lwake ki pi kabedo mere. 16Ento gin gubedo kangalo lukwena pa Lubanga, ma gicayo lokegu, dok gujwiyo lunebine bene, nio ka akemo omako Rwot ikom lwake, ma gin mo maromo jukune dong pe. 177

Rwot ocako kelo rwot pa jo Kaldaya kalweny ikomgi, ci oneko awobegi ki pala lucwan ki i kabedo maleng ma i Ot pa Lubanga, pe obedo ki kica ikom awobi nyo nyako, jo muteggi nyo jo ma otii; magi ducu Lubanga omiyogi woko i cinge. 18Ki jami ducu mayam kitiyo kwedgi i Ot pa Lubanga, jami madito ki matinone, ki lonyo ma kikano i Ot pa Rwot Lubanga, ki lonyo ma rwot Jedekia okano ki pa lutelane ducu, rwot pa jo Kaldaya otero magi woko ducu i Babilon. 19Guwango Ot pa Lubanga woko, ka dok kimuku cel murumu Jerucalem, ci guwango odi ma gibedo iye woko ducu ki mac, kun gibalo bene wa jami ducu ma pirgi tego. 20En otero jo ma guloyo ki i lak to i Babilon, ci gudoko opiine ki pa lutinone nio ka ker me Percia ocung matek. 218Man obedo pi cobo lok pa Rwot mayam oloko ki i dog Jeremia ni, “Lobo bidong nono pi mwaka pyere abiro nio ka ocobo kawang yweyo me Cabit ma pe kilubuni.”

Ciro ociko ni jo Icrael gudok cen

(Eji 1:1-4)

22I mwaka mukwongo me loc pa Ciro rwot me Percia, wek lok pa Rwot mayam oloko ki i dog Jeremia ocobe kakare, cutcut Rwot Lubanga otugu cwiny Ciro rwot me Percia omiyo en otito lok oromo i lobo ma ite kere ducu. En ocoyo lok man bene ki waraga ni, 239“Ciro rwot me Percia owaco kuman ni, ‘Rwot, ma en Lubanga me polo, otyeko miyo ker ducu ma iwi lobo i cinga, dok ocika ni ager Ot pire i Jerucalem, matye i Juda. Bot ngat mo keken ma ikinwu ma ikom lwake ducu awaco ni, Rwot Lubangane myero obed kwede. Wek en oa ociti i Jerucalem.’”