2 Tekwaro 1

Solomon olego ryeko

(1 Luk 3:3-15)

1Solomon wod pa Daudi omoko kere matek, kun Rwot Lubangane bene onongo tye kwede, man omiyo en obedo madit tutwal.

2Solomon oloko ki jo Icrael ducu, wa bot ludito maloyo buca mony me jo alip ki buca mony me jo miya, ki bot lungolkop ki ludito ducu ma gitye ducu i Icrael, ma gin aye ludito wi kaka ki i odi pa kwarigi ducu. 3Solomon kacel ki lwak mucoke ducu gucito i kabedo me woro Lubanga iwi got ma i Gibeon; pien Kema me Rwate pa Lubanga, mayam Moses latic pa Rwot otiyo ki i tim, onongo pud tye kiketo bedo kunu. 41(Ento Daudi yam okwanyo canduk pa Lubanga ki i Kiriat-jearim, okelo i kabedo ma en ceng oyubu pire, pien onongo oguru kema pire i Jerucalem.) 52 Onongo keno tyer me mola mayam Bejalel wod pa Uri, ma wod pa Kur otiyoni, pud tye wa kunu bene inyim Kema me tye pa Rwot. 6Solomon ocito cok ki keno mola ma inyim Kema me Rwate, wa inyim Rwot, ci otyero iye gitum awanga maromo alip acel kulu.

7I dyewor meno Lubanga onen iye bot Solomon, kun owace ni, “Penya gin ma abimiyo boti.” 8Ci Solomon ogamo dog Lubanga ni, “In yam i nyutu mar meri madwong ma pe loke bot wora Daudi, dok iketo an adoko rwot me leyo katyene. 93Ai Rwot Lubanga, wek lok mayam iciko bot wora Daudi dong ocobe ka kare, pien iketo an adoko rwot me loyo roki madit ma gipol marom ki apwa me ngom. 10Ber tin in imiya ryeko ki kit me ngeyo piny, wek ange kit me loyo rok man, pien anga ma bitwero loyo lwaki man, madwong marom man kuluni?” 11Lubanga ogamo dog Solomon ni, “Ka meno aye gin matye i cwinyi, macalo in pe i lego lim nyo lonyo nyo deyo, kadi pi jo ma gidaggi ni myero kinekgi woko, pe bene i lega ni amii irii iwi lobo nakanaka, ento i lego ryeko ki kit me ngeyo piny giri keni, wek ilo lwaka ma aketo in ibedo rwotgi, 12ryeko ki kit me ngeyo piny dong amiyogi boti. Dok abimiyi lwak lonyo ki lim ki yweka, ma pe tye ngat mo acel ikin luker ma gukwongo nyimi mayam gulimo gin marom meno, kadi wa rwodi mo ma bilubu kori pe bilimo kumeno.” 13Ci Solomon ocako a woko ki i kabedo me woro Lubanga matye iwi got ma i Gibeon, kama Kema me Rwate tye iye ci odok i Jerucalem, ci obedo kaloyo jo Icrael ki kunu.

Lonyo pa Solomon

(1 Luk 10:26-29)

144

Solomon yam ocoko gadigadi lweny ki lulweny ma ringo ki aguragura. En obedo ki gadigadi lweny alip acel ki miya angwen, ki wegi aguragura alip apar wiye aryo ma oketo mogo ikin gi i taun madito me gadigadi lweny, ki mukene gubedo bote i Jerucalem. 15Rwot Solomon yam omiyo ryal odoko gin ma lam marom ki gwenggu i Jerucalem, dok okelo yadi cedar mapol ata marom ki olam ma i bar Cepela. 165En yam omiyo jone loyo wilo aguragura ma a ki i Ejipt ki Kuc; ma lucat wil pa rwot aye gamogi ki kunu i wel lim ma onongo ki moko. 17Gadigadi ma gia ki i Ejipt welgi onongo romo cekel me ryal miya abicel, ki aguragura acel wele cekel miya acel ki pyere abic; ka dok lucat wil pa rwot catogi bot luker ducu pa jo Kit, ki bot luker me Ciria.