Skip to content
BibleKenya

Waddar

गलती 1

दंडाम

गलती शहर लोन मंडळीक; मनसला तीकेल किंवा मनसला द्वारा लेद, तर येशु ख्रिस्ततीकेल इंगा यवार वान सचीनेका जिवंत शेशा वाळ परमेश्वर आब्बळ, इन तीकेल आईनेर प्रेशीद पौल, इंतीकेल इंगा ना सोबतील आन्नी बंधूला तीकेल, द्यावर जो मना आब्बळ इंगा मना प्रभू येशु खिस्त इंतीकेल मिक कृपा इंगा शांती उन्डाला मना द्यावर आब्बन इच्छातीकेल, इ इपुळी दुष्ट काळकेल मनालनी इळपीदेंग, प्रभू येशु ख्रिस्तळ मना पापलाबद्दल, स्वताक इच्या. द्यावर आब्बन की युगानयुग गौरव उन्डाला. आमेन.

गलतीकरोळ पौलूसदि शेशिंद हिरमोड

नाक आश्चर्य वाटास्ताद की, यवार मिक ख्रिस्तान कृपाला निवडा शीर वानतिकेल, इंता लगान, मीर दुसरा मंची बातमी तीकुड फोईणार. दुसरा इंगोगाय मंची बातमील लेव; पण मिंलान घोटाळाला येशेळी इंगा ख्रीस्ताय मंची बातमी अलग शेशेळडी इच्छा उंडीनेय इल्ला यन्ता जन उंडार. तर याय मंची बातमी मिम मिक शपतीम दाणकना वेगळा मंची बातमी जर मिम शपतीम किंवा स्वर्ग नुस वचीनेय द्यावर दूत पण शप्या, तरी वाड शापित उन्डाला. मिम पहिला शपिनाम आल्ले नीन इंगा शेप्ताम की, यवार मिक, येम मीर स्वीकार शेस्तीर दानकना, वेगळा मंची बातमी यवार मिक शेपिंयार वार शापित उन्डाला.

नीन इप्पूळ मनस्लाद किंवा नीन द्यावार्दी मन तीपेळदी सुस्तुनान? नीन मन्सलान संतुष्ट शेयदेंद सुस्तुनान येम? नीन इप्पूळ नंतक मनसलान खुश शेस्तुंटान, तर नीन ख्रिस्तान दास लेकुंन तूनटीन.

मनशी तीकेल लेद तर येशु ख्रिस्त तीकेल मनाक शिंगार बातमी शिक्कीनाद इल्ला पौल दि शेपकाम

येनटीक की, बंधू, नीन मिक शेप्तान की, नीन या मंची बातमीद घोषणा शेस्तीन आदी मनसलु शेप्पीने लेका लेद. येनटीक की आदि नाक मनसूला तीकेल शिक्काल्या आल्ले आदी नाक यवार शिका पण मत्तालेद; पण येशु ख्रीस्तद प्रगटीकरनता आदी नाक शिक्क्या. मीर ना, यहुदी धर्मालोन्केल, पहिला वागणूक लेका ऐकाशिनान कि, नीन यला द्यावार मंडळीद संगेम त्रास इच्ची दांदी नाश शेसका उंटीन. इंगा नीन ना पुर्वजल्दी रीतील बद्दल संगेम जास्त उत्साह उंड्या मा मंदीला ना वय टोर संगेम मंदी कना यहुदी धर्मला नीन मुंदार फोइंटीन.

पण या द्यावर नन्नु आम्मा कळपुकेल वेगळा शेश्या इंगा स्वत कृपा ता नन्नु विलचा, वांकी येपूळ शिंगार वाटाश्या की, स्वता कोळकून ना तीकेल प्रकाट शेईयाला, म्हणजे इंगोगो राष्ट्रला नीन वांदी मंची बातमी घोषणा शेयाला आपुळ नीन यवार पण मंसलाद तीस्कनाले, इंगा ना पहिला आईनेय प्रेशित्ला तीकुड येरुशलेमकि मिन्दिक फोले, पण नीन लगनाणे अरबस्तान देशुक यल्ली फोतीन इंगा आन्केल दिमिष्कास कि डब्बल वस्तीन.

मुंदार, मूळ याडाद नंतर, नीन केफनि भेटादेंग मिन्दिक येरुशलेमकि फोतीन इंगा पंधरा दिवस नीन वान देगारा निलस्तीन ; गान प्रभू तम्मुड याकोब इंशिवाय नीन इंगोगो प्रेशित्ला लोन्केल दुसरा यवर पण नाक कम्पियाले. नीन जो मिक लीवास का उंडान, आय्यी सूळना, द्यावर मुंदार, नीन खोटा माटलान. दान नंतर नीन सिरीया इंगा किलीकीया शहरला वस्तीन इंगा ख्रिस्तला उंडीनेर, यहुदिया शहरटोर मंडळीक नीन अनोळखी उंटीन. वारकी येकादेंग इंतेने, वचाका उंडी की, 'पहिला माद त्रास इचेतोळ या विश्वास येनकाक नाश शेयदू वांदी वाळ इप्पुळ सुवारता शपतुणाळ.' इंगा वार ना बद्दल द्यावार्दी गौरव शेदेंग आंटीर.

Waddar. Copyright © Bridge Connectivity Solutions Pvt. Ltd. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-11-09.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.