Zabuli 15

Goloko wa Nguluwi

(Zabuli ya Daudi.)

1Gwa Mkulu Nguluwi, whaani yoweza kikala kuli ihema lya hegwe?

Whaani yoweza kikala mchanya mwa chidunda cha hegwe chelile?

2Ndo munhu yalingikala ne nongwa,

mhela weng'ha kangudita gatanganiche,

yalingulonga ga kukomya kulawa mnhumbula,

3ndo munhu yohambe yahehe wanhu,

yohambe yamditile gehile myage,

ne kumvilizila munhu yowalingikalasa habehi,

4ndo munhu yalinguwabeza walinguwabunza wayao,

ila kanguwahulichiza wala walingumdumba Mkulu Nguluwi,

ndo munhu yohambe yagalamule chilaho cha heye hanga hamba chowifya mbuli za heye,

5yohambe yaziche sendi ya heye kwa kugana mzidi ng'hatu,

ne kubochela chinhu kwa chiwalo cha kumbunza yalihela nongwa.

Munhu yalingudita ago, hotigasika.