Zabuli 129

Kulanda kulinguwala wang'honyo wa Isilaeli

(Lwimbo lwa kuluta kuchanya.)

1“Nawangaza ng'hatu kulawa kuli usongolo wa heni.”

Chila munhu kuli Isilaeli yalonje,

2“Nawangaza ng'hatu kulawa kuli usongolo wa heni,

ila hawawezile kusumya heni.

3Nawanhowa ng'hatu kumgongo kwa heni,

kumgongo kwangu nakuwa kota misitali ja kumgunda.

4Ila Mkulu Nguluwi ndo katanganika,

nakandohola kulawa kuli ng'weso za wanhu wehile.”

5Wabasigwe soni na kuhiluswa kumbele,

wala weng'ha walinguuzudila muji wa Siyoni.

6Wawe kota misolo jilihela mizabi milefu,

jiwele janguswinhaga lojiwa jing'hali kukula,

7kuduhu munhu yalingukola mijito ja kujikungajiza,

ne kuhola kota nyinza.

8Haduhuli yalingukola habehi hoyolonga,

“Mkulu Nguluwi yawatambichize.

Twanguwatambichiza kwa itagwa lya Mkulu Nguluwi.”