Zabuli 128

Chonolo kwa munhu yalingumdumba Nguluwi

(Lwimbo lwa kuluta kuchanya.)

1Nawatambichizwa weng'ha walingumdumba Mkulu Nguluwi,

walingikala kwa kuwinza nzila za heye.

2Kowa na mafuza ga chituguti cha hegwe,

kosangalala na mbuli za hegwe zolutilila goya.

3Mchewako kowa kota mzabibu wa mafuza menji kaye kwa hegwe,

wana wa hegwe kota mizuchila ja mizeituni kuzunguluta chisaga cha hegwe.

4Ena, ndo vyoyotambichizwa,

munhu yalingumdumba Mkulu Nguluwi.

5Mkulu Nguluwi yakutambichize kulawa Siyoni.

Uzone mbuli za Yelusalemu zilutilila goya mazuwa gose ga ukomu wa hegwe.

6Wikale mbaka uwone wazukulu wa hegwe.

Kikala goya kuwe na Isilaeli.