Zabuli 100

Lwimbo lwa lutogo

(Zabuli ya kulonga malumbo.)

1Mumtowele luchenze Mkulu Nguluwi, hemwe isi zeng'ha.

2Mumfugamile Mkulu Nguluwi kwa kusangalala,

mlute kwa heye kuno mkwimba kwa kusangalala.

3Mvizele kota Mkulu Nguluwi ndo Nguluwi.

Heye ndo yatulumbile, natwe twa wa heye,

hetwe ndo wanhu wa heye, ndo ming'holo hali honhu ha heye ha kudimila.

4Mkole hali lwizi lwa ng'handa ya heye kwa kulonga malumbo,

mwinjile kuli lugagala lwake kwa lutogo,

mlonje malumbo Nguluwi na kulitogola itagwa lyake.

5Kwa vila Mkulu Nguluwi nakanoga,

igano lya kwimilila lya heye lyangikala mazuwa gose,

kukundigwa kwa heye kwangulutilila hali lulelo lweng'ha.