పవిత్ర్ బైబిల్‍
రోమా 15:13
Verse 13 is marked below, with the whole chapter around it. Read from the start
తారు తూస్‍ కాహేతిమ్‍ అలాదవ్నా భడ్డావను
కాహే తాఖత్‍వాలొయుహుతె తప్ప, అప్నా అప్నాస్‍ ఖుషిహువకొయిన్‍తిమ్‍, క్హాంజొర్‍ దౌర్బల్యంహుయుతె పేరిలెవానటేకె రుణమ్ హుయిన్‍ ఛా. ఇను బగ్లాల్‍వాలు క్చేమాభిహ్రుద్ధి హువాతిమ్‍ అప్నమా హర్యేఏక్‍జాను అష్యల్ హుయుతె ఇనమా ఇనా ఖుషిరాక్‍నుకరి. క్రీస్తుబీ ఇనాయోస్‍ ఖుషికర్‍లిదొకొయిని పన్కి తునా క్హుజయివాల గాలై మరపార్‍ పాడ్యు. కరి లిఖ్హుతిమ్‍ ఇనా హుయు. కిమ్‍కాతొ ఓర్పునటేకె, ప్రోత్సహించటేకె అప్నా నిరీక్చణ హువాతిమ్‍ జామనామా లిఖ్హుతిమ్‍ క్హారుబి అప్నా బొధహుసేతిమ్‍ నిమిత్తం లిఖిలిన్‍ ఛా. క్రీస్తు యేసు చిత్తప్రకారం ఎక్‍ దిల్తీ ఏక్‍ ఆవాజ్తి మల్యుతె ఇవ్నే ఓర్పునా ఆదరణనా కర్తహుయుతె దేవ్నా తుమ్నా అనుగ్రహించిస్‍ పన్కి. తుమేస్‍ ఏక్‍భావం వాలా ఎకగ్రీవంతి అప్నా ప్రభువుహుయుతె యేసు క్రీస్తు భాహుయుతె దేవ్న మహిమపరచటేకే యేసుక్రీస్తుని వాతేఖమ్జిన్ ఇన్మారవానా ఎకామనస్సుతి ఒర్పుతి ఆదరణతిచాతే దేవ్ తుమ్నాదేవాదా.
అన్యజణుల్నాటేకె సుభవార్త
అనటేకే క్రీస్తు తుమ్నా చేర్చులిదోతే ప్రకారం దేవ్ను మహిమతీ కలుగుతిమ్‍ తుమేబి ఏక్నాఏక్‍ చేర్చలెవొ. మే బోలుకురాతే సాత్‍కతో, దేవ్ను హాఃచినా బ్హణే అన్యజణుల్‍ ఓఢో యో కర్యయోతే సుష్థిరంతీ వాక్ముల్‍నా తిరంతి కరనటేకె క్రీస్తు సున్నతి ఛాతే ఇవ్నా ప్రచార్ కరవాలొహుయో.
తుమేస్‍ ఏక్‍భావం వాలా ఎకగ్రీవంతి అప్నా ప్రభువుహుయుతె యేసుక్రీస్తు భాహుయుతె దేవ్న మహిమపరచ నిమిత్తం, మే బొలుకుర్‍తెసాత్‍కాతొ, భానొభా కార్యాతె వాగ్దానంనా విషయంమా దేవ్ను గోర్‍బి మహిమపరచటేకె క్రీస్తు సున్నతి వాలానా పరిచారకుడుహుయుతె. ఇన విషయంమా ఆ కారణంతి అన్యజనాభో మే తునా స్తుతించిస్‍; తారు నామ్‍నుసంకీర్తనా కార్‍సుకారి లిఖ్హురాక్యుస్‍.
అజు అన్యజనాభో,
ఇనా ప్రజల్‍నా ఖుషితి ర్హావో కరి
అజు ధరత్తినా అన్యజనాభో,
ప్రభువునా స్తుతించొ హర్యేక్ అద్మి
ఇనా కొనియాడ్సుకరి బోలుకురాస్‍.
అజు యెషయా ఇమాస్‍ బొలుకురాస్‍,
యెష్షయిను ఖాందాన్‍ మాతు ఝడ్‍ ఆవ్సే,
కతొ అన్యజనాభో ఏలానటేకే ఉట్టావాలొ అవ్సే;
ఇనాకనా అన్యజనాభో ఆఖ్‍తి ర్హాక్‍సు.
హువామా తూమే పరిసుద్ధాత్మను తాఖత్‍నా పొందిన్‍, విస్తారంతి నిరీక్చణ హువాలతిమ్‍ నిరీక్చణకర్తహుయతె దేవ్ను విష్వాస్‍తిస్‍ ధారతి ఖారుబి షాంతి తుమ్మనా భారిస్‍ పన్కి.
పౌల్‍ అధికారంతి ఉత్తరం లిఖ్కను
మారా భైయ్యే బుజు భేనె, తుమే కేవలం అచ్చువాల నమ్ముకురు, సమస్త తారుపూరజ్ఞాన్‍తి, ఎక్నాయేక్‍ దిమక్‍బోలిన్‍ యోగ్యుల్‍హుయుతెకరి మరతొడి మేబి తుమ్నా గూర్చి ఖఛ్చింతి నమ్ముకురుస్‍. హుయుతొ అన్యజానబొ కరి అర్పణ పరిసుద్ధాత్మటేకె ప్రీతిహువాతిమ్‍, మే సువార్త విషయంహుయిన్‍ యాజక ధర్మం హుయిన్‍, దేవ్తి మన అనుగ్రహింపబడిన్‍ కృపను బట్టి, సానటేకె అన్యజనాభోనా అర్పణ పరిసుద్థాత్మహాఃజె పవిత్రహుయిన్‍, దేవ్నా ఇష్టమ్‍హువతిమ్‍, మే సువార్త విషయమ్‍మా యాజక ధర్మమ్‍ కర్తహుయిన్‍, దేవ్ను మన అనుగ్రహించుతే కృపటేకె అన్యజనాభోవాలనా యేసుక్రీస్తు సేవకుడ్‍హుయిన్‍ ఛావు. హువామా, క్రీస్తుయేసునాబట్టి దేవ్ను సేవ విషయంహుయిన్‍ సంగతుల్‍మా మన గర్వంకారణం ఛా. కింకతొ అన్యజనాభో విధేయులుహువాతిమ్‍, వాక్యంతి, క్రియతి, సాబుత్‍ థాకత్‍తి, బోలుకరూస్‍, అద్బుతాల్‍తి, పరిసుద్ధాత్మ థాకత్‍తి క్రీస్తు మరేతి ఎంచిన్‍ ఇన గూర్చిను పన్కి అజు ఇన గూర్చిబి వాత్‍బొలనా తెగించ్యొ. అనటేకే యెరూషలేమ్‍తూ ధరీన్‍ ఆజు బాజుమాఛాతే దేఖ్‍, ఇల్లూరితొడి క్రీస్తు సువార్తనా పూర్తితీ ప్రచార్‍కర్‍రాక్యోస్‍. మేహుయుతొ అజేక్ను పునాదిఫర్‍ నాబ్హాద్‍నుకరి క్రీస్తు నామ్ మాలంకొయింతెజొగొ సువార్తన ప్రచార్ కరి గ్హాను ఆఖ్‍తి ఇమ్‍ ప్రకటించో,
లిఖ్కుతిమ్‍ ప్రకారం
క్రీస్తునా బారెమా సమాచరం మాలంకొయినికి ఇవ్నా ఇవ్నే దేఖ్యా.
కోన్‍ హఃమ్జ్యూ కొయినికి ఇవ్నే మాలంకర్చె.
పౌల్‍ రోమవాలనా మలను
ఆ కారణంతి తుమరకానా అవకొయినితిమ్‍ మన కెత్రుకి చోట్‍ పర్యాయలు ఆఢు హుయు. హంకేహుయుతొ ఆ జోగొ మేహంకె సంచరింపనుకరి భాగ్‍ కొయిని పన్కి, కెత్రుకి వారఖ్‍ కంతు తుమరకాన అవ్నుకరి ఘాను అపేక్చకలిగిన్‍ ఛావు, మే స్పెయిను దేఖాక్నా గాయితొ వాట్‍మా తుమ్నా ద్యెకిన్‍, అగాడి తుమరు మాలనాటేకె తొడుతొడి ఖుషివొనొకరి, తుమరెతి ఎగ్జా బొలిమొకులునుకరి ఆఖ్‍తి రాస్‍. హుయుతొ హంకె దేవ్ను అద్మియే సేవా కర్తహుయిన్‍ యెరూషలేమ్‍నా జొమ్కురాస్‍. కింకతొ యెరూషలేమ్‍మా ఛాతె దేవ్ను అద్మియేనా గారిబ్‍హుయుతె ఇవ్నే నిమిత్తం మాసిదోనియవాలబి అకయవాలాబి తొడు పైసా దేనుకరి ఇష్టంహుయూ. ఓ ఇవ్నేఇష్టపడ్యె ఇనా కరిన్‍; ఇవ్నే ఇవేనా రుణపడిన్‍; కింకతొ అన్యజనాభోనా తప్ప ఇవ్నే ఆత్మ సంబంహుయుతె ఆషీర్వాదంనా విషయంమా భాగ్‍వాలహుయిన్‍ ఛా పన్కి ఆంగ్తాను సంబంధ హుయుతె విషయంమా ఆవ్నే ఆ కామ్‍ పూర్తికరిన్‍ ఆ ఫలంనా ఇవ్నేఅప్పగిమ్చిన్‍, మే తుమ్నా మలిన్‍, స్పెయిన్‍తొడి ప్రయాణంనా కరీస్‍. మే తురకనా అయోతెదె, క్రీస్తును ఘాను ఆషీర్వాదమ్తీ ఆయిస్‍కరి మన మాలం.
భైయ్యె, భేనె మారటేకె దేవ్నా కార్‍యుతె ప్రార్థనామ మరకెడె మలిన్‍ లడ్డాయికార్‍నుకరి, అప్ను ప్రభువుహుయుతె యేసు క్రీస్తునా బట్టి, ఆత్మనటేకె ఫ్యార్‍ను బట్టి తుమ్నా పొఖాలవుకురుస్‍. మే యూదయమా ఛాతె ఆవిష్వాస్‍నా హత్‍ కంతు చుఖ్కాయ్‍ జానుకరి ప్రార్థన కర్యొ, బుజు యెరూషలేమ్‍మా కారనుఛాతె ఆ సేవ దేవ్ను అద్మియేనా హఃమ్జనుతిమ్‍. ఆజు మే దేవ్ను చిత్తంటేకె ఖుషితి తుమరకానా అయిన్‍, తుమరెతి మలిన్‍ అరామ్‍ పొందాయో, షాంతిసమాధాన కర్తహుయోతె దేవ్నాతుమరక్హారన తొడుహుయిన్‍ పన్కి. ఆమేన్‍.
పవిత్ర్ బైబిల్‍. Copyright © 2024 The Word for the World International. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.