పవిత్ర్ బైబిల్‍
రోమా 16
ప్రత్యేకం హుయితే హఃలామ్‍
మే ఫీబే కరి అప్ను భేన్‍ హుయితె, కెంక్రేయమాఛాతె సంఘనా ప్రచార్‍కరవాలి హుయిన్‍ ఛా ఇనా తుమరటేకె హోనుతె కెవుబి ఛాతెబారేమ సహాయం కార్‍నుకరి యోబాయికొ గూర్చి తుమ్నా సిఫారస్‍ కరూకరాస్‍ యో మనా బుజు గ్హను అద్మినా సహాయం కరి.
క్రీస్తుయేసుమా మారు భేన్‍ హుయితే అకులకునా ప్రిస్కిల్లనా మారు హఃలామ్‍ కరి బొలొ. ఇవ్నే మారటేకెస్‍ కాహే యెజ్గా ఛాతె సంఘం హాఃరనాటేకె జాన్‍ దెవ్వావనటేకె ఇవ్నే తెగిమ్చా. అజు ఇవ్ను గేర్‍ సంఘమ్‍నా క్హాలమ్‍ బోలొ, మేస్‍ కాహే అన్యజనాభోమా సంఘమ్‍క్హార్‍నా ఆవ్నాభాన్నే కృతజ్ఞలుహుయిరాస్‍. అజు ఇవ్ను ఘర్మా మలీన్‍ ఛా సంఘంనా హఃలమ్‍. ఆసియామా అగాడి క్రీస్తునా విష్వాసించొతె మారొ లాఢ్‍హుయోతె ఎపైనెటుకు ఖాలామ్‍. తుమరటేకె గ్హాను ప్రయాసపడిన్‍ అజుతుమ్‍నా మరియనా హఃలమ్‍. మన మయామాత్ర మరు తొడు ఖైదీల్‍నా ఆంద్రొనీయనా ఖాలమ్‍, యూనీయనబి ఖాలమ్‍; అవ్నే అపోస్తలుమా నామ్‍ పొందినవాలా, మరుకంటె అగాడి క్రీస్తుమా విష్వాస్‍కర్యుతె ఇవ్నే.
ప్రభువుమా మన లాఢ్‍హుయోతె అంప్లీయతునా క్హాలమ్‍. క్రీస్తుమా అప్ను జొడుకామ్‍వాలా ఊర్బానాకు మారు లాఢ్‍హుయోతె స్టాకునా ఖాలమ్‍. క్రీస్తుమా యోగ్యుడ్‍ హుయోతె అపెల్లెనా హఃలమ్‍. అరిస్టొబూనా ఘేర్‍వాలనా ఖాలమ్‍. మరు మయామాత్ర హెరోది యోనునా హఃలమ్‍. నార్కిస్సు ఘేర్‍వాలనా ప్రభువుమా ఇవ్నే హఃలామ్‍.
ప్రభువుమా ప్రయాసపడు త్రుపైనాకు, త్రుఫోసాకు హఃలమ్‍. లాఢ్‍వాల పెర్సిసునా హఃలమ్‍; యో ప్రభువుమా ఘను ప్రయాసపడ్యా. ప్రభువుమా ఏర్పచిరాక్యొతె రూపునా ఖాలమ్‍; ఇనా అయానబి ఖాలమ్‍; యో మనబి అయా. అసుంక్రితునా, ప్లెగో, హెర్మే, పత్రొబ, హెర్మానా, ఇనామా మలిన్‍ఛాతె భైయెనా బెనేనాబి ఖాలమ్‍. పిలొలొనా, యూలియాన, నేరియన, ఇను భేనెనాబి, ఒలుంపాకునా ఇవ్నేతెఛాతె పరిసుధ్ధుల్‍ హాఃరనా హఃలామ్‍.
పవిత్రహుయుతె బుచ్చదిన్‍ ఏక్నాయేక్‍ హఃలమ్‍ కరొ. క్రీస్తుసంఘం హాఃరుబి తుమ్నా హఃలామ్‍ బోలుకురుస్‍.
ఆఖరిను (నియమాలు)
భైయ్యే, భేనెనా తుమే సికిలిదాతె బోధనా వ్యతిరేకంతి భేదంతి ఆటంకంనా కలిగిమ్చోతే ఇవ్నే కనిపెట్టి ర్హవొ తుమ్నా పొఖాలవుకురుస్‍. ఇవ్నేకంతు దుర్‍హువొ. ఎజాత్ను వానా అప్ను ప్రభువుహుయుతె క్రీస్తునా కాహే ఇవ్నే పేట్‍నా దాసులు; ఇవ్నే హంకెతు వాత్తిగాని ఇచ్చకంటేకెతొబి నిష్కపటుల దిల్నా మోసంకార్‍సే. తుమరు విధేయత క్హారనా ప్రచురంహుయు పన్కి తుమ్నాగూర్చి ఖుషితిఛావ్‍. తుమే అష్యల్ విషయంహుయిన్‍ జ్ఞానుల్‍నా, కారబ్ను విషయహుయిన్‍ నిష్కపటుహుయుతె ర్హానుకరి కోరుకురుస్‍. షాంతిసమాధాన కర్తహుయుతె దేవ్నా సైతాన్‍ తుమరు గొడనాహేట్‍ కుద్హాల్వాసే. అప్ను ప్రభువుహుయుతె యేసుక్రీస్తు కృప తుమ్నా తొడహుయిన్‍ పన్కి. మారు జొడుకామ్‍వాలా తిమోతి మారు మయామాత్ర‍నా లూకియ యాసోను, సోసిపత్రు కరివాలన తుమ్నా హఃలమ్‍ బోలుకరూస్‍.
ఆ పత్రిక లిఖ్యూతె తెర్తియు కరి మే ప్రభువుమా తుమ్నా హాఃలమ్‍ కరుకరూస్‍.
మనబి సంఘంహాఃరనా ఆతిథ్యందెవ్వాలొ గాయి తుమ్నా హఃలామ్‍ బోలుకురుస్‍, ఆ ఖాయేర్‍ ఖజానావాలొ ఎరస్తు భైయెనా క్వర్తునా తుమ్నాబి హఃలామ్‍ బోలుకురుస్‍.
ఆఖరీను ప్రార్థనమా స్తుతి
అప్ను ప్రభువుహుయోతె యేసుక్రీస్తు తుమ్నా తొడుహుయిన్‍ ర్హాస్ పన్కి. ఆ మర్మంనా ఘను రోజ్తీ అనుసరించిఛాతె మరు సువార్త ప్రకారం కరి, యేసు క్రీస్తు గూర్చినా ప్రచార్‍నా ప్రకారంకరి, తుమ్నా సిరపరచిక్హాత్‍వాలొ. సారహుయుతె అన్యజనాబ విష్వాస్‍నా విధేయులుతిమ్‍, జామనా కంతు రహస్యంతి ర్హాకిరాకిన్‍ కెదెబి ప్రత్యక్చపరచబడ్యుతె మర్మంనా, నిత్యమ్‍ దేవ్నా ఆజ్ఞప్రకారం ప్రవక్తల్‍నా లేఖనంను తీస్‍ ఇవ్నే తెలుపబడిన్‍ ఛా.
ఏక్‍ జ్ఞానంవాలొహుయుతె దేవ్నా, యేసు క్రీస్తు తిస్‍, కెదేబి మహిమ కలుగ్‍సే గాక. ఆమేన్‍.
పవిత్ర్ బైబిల్‍. Copyright © 2024 The Word for the World International. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.