2 ಕೊರಿಂಥ

ಕೊರಿಂಥದವರಿಗೆ ಬರೆದ ಎರಡನೆಯ ಪತ್ರಿಕೆ

ಪೌಲನೆ ಕೊರಿಂಥವಾಳಾನ ಲೀಖ್ಯೋತೆ ಬೇನಿ ಚಿಟ್ಟಿ

ಮಾಲುಮ್ ಕರಾನು

ಕ್ರಿಸ್ತ ಪೈದಹುಯಿನ್ 55 ವರಖ್ಹ್‌ಥಿ ಧರೀನ್ 56 ವರಖ್ಹ್‌ನಿ ಬಾದ್‌ಮ ಆ ಚಿಟ್ಟಿ ಅಪೊಸ್ತಲ ಪೌಲನೆ ಕೊರಿಂಥ ಸಬೆವಾಳನ ಲೀಖಿಹುಯು ಹುಯಿರ‍್ಹುಸ್.

ಕೊರಿಂಥವಾಳಾನ ಲೀಖ್ಯುತೆ ಭೇನಿ ಚಿಟ್ಟಿ ಘಣು ವಿಶೇಷ್‍ನು ಹುಯಿರ‍್ಹುಸ್. ಅನಾಮ ಅಪ್ಣು ಶೊಂತ್‍ನು ಅಜು಼ ದಿಲ್ನ ಮಾಯ್ನೆಥಿ ಭರೈಹುಯಿ ಚಿಟ್ಟಿ ಹುಯಿರ‍್ಹಿಸ್. ಪೌಲನೆ ಕೊರಿಂಥ ಸಬೇನಿ ಬಾರೇಮ ಅನೇಥಿ ಲಿದಿಹುಯಿ ವಾತೆನಿ ಬಾರೇಮ ಘಣು ಖುಷಿನ ಒತಾಳಿದೇಸ್. ಆ ಚಿಟ್ಟೀಮ ಜೂ಼ನಿ ಒಪ್ಪಂದನ ಆಧಾರ್‌ಕರೀನ್ ನವೇಥಿ ಶಿಕಾನು ಘಣು ಛೋ಼ಡಿನ್ ಬೋಲಿರಾಖ್ಯುಸ್ತೆ ಅಪ್ಣೆ ದೇಕ್‍ಯೇಸ್. ವಿಶೇಷ್‌ಥಿ ಪೌಲನೆ ಯೆರೂಸಲೇಮ್‌ನ ವಿಶ್ವಾಸಿಖ್ಹಾರನ ಮದತ್ ಹುವಾನಖ್ಹಾಜೆ ಪೈಶ ಜ಼ಮಕರಾನಿ ಬಾರೇಮ ಪೌಲನೆ ವಾಟ್‌ ವತಾಳಾಮ ಬೋಲಿವತಾಳಸ್

ಕಾಡಿದೇಖೊ

1. ಪೌಲನೆ ಸಬೆವಾಳನ ಚಿಟ್ಟಿನ ಫಡಿವತಾಳಾನ ಶುರುಕರಸ್

2. ಇನಕೇಡೆಥು ಪೌಲ ಇನಿ ನಿಕ್ಳಿಜಾ಼ವಾನಿ ಉದ್ಧೇಶ್‍ಮ ಇನೆ ಬದಲಾವ್‍ ಕರ‍್ಯೊತೆ ಇನಿ ಬಾರೇಮ ಅಜು಼ ಇನಿ ಪೀಛೆನಿ ಚಿಟ್ಟೀಮ ಇನ ಮಾಲುಮ್ ಹುಯುತೆ ಇನ ಫರೈನ್ ಬೋಲ್ಯೋತೆ.

3. ಇನಕೇಡೆಥು ಯೊ ಯೆರೂಸಲೇಮ್‌ನ ವಿಶ್ವಾಸಿನಖ್ಹಾಜೆ ಪೈಶ ಜ಼ಮಕರಾನಿ ಬಾರೇಮ ಇಷಾರ್ಕೊ ದೇಸ್.

4. ಖ್ಹರ್ತಿಮ ಪೌಲನೆ ಇನ ಅಪೊಸ್ತಲನಿ ಹಕ್ನಿ ಬಾರೇಮ ಹುಕುಮ್ ಕರ್ತೊಹುಯಿನ್, ಅಜು಼ ಇನಿ ಅಗ್ಲಿ ಚಿಟ್ಟಿನಿ ಬಾರೇಮ ಹೊಷಾರಿ ಕರಸ್.