1 ಯೋಹಾನ

1 ಯೋಹಾನನು ಬರೆದ ಮೊದಲನೆಯ ಪತ್ರಿಕೆ

ಯೋಹಾನನೆ ಲೀಖ್ಯೋತೆ ಪಹಿಲಿ ಚಿಟ್ಟಿ

ಮಾಲುಮ್ ಕರಾನು

ಯೋಹಾನನೆ ಲೀಖ್ಯೋತೆ ಪಹಿಲಿ ಚಿಟ್ಟಿ ಅಪೊಸ್ತಲ ಯೋಹಾನನೆ ಕ್ರಿಸ್ತನು ಪೈದಾಖ್ಹ್‌ನ ವಾರ್ 50 ಅಜು಼ 100 ವರಖ್ಹ್‌ನ ಬೀಚ್ಮ ಲೀಖಿರಾಖ್ಯೊಸ್. ಯೋಹಾನನೆ ಯೋಸ್ ಲೀಖವಾಳೊಕರಿ ವತಾಳಿರಾಖ್ಯೊ ಕೊಯ್ನಿ ಕತೋಬಿ ಪಹಿಲ ಅದ್ಯಾಯಮ ಯೋ ಯೇಸುನು ಜಿವ್ಣು ಅಜು಼ ಮರಿನ್‌ ಉಠ್ಯೊತೆ ಡೋಳೆಖ್ಹು ದೆಖ್ಯೊತೆ ಸಾಕ್ಷಿಹುಯಿರ‍್ಹೊಸ್ ಕರಿ ವತಾಳಿದೇಸ್. ಯೋಹಾನನೆ ಲೀಖ್ಯೋತೆ ಪಹಿಲಿ ಚಿಟ್ಟೀಮ ಲೀಖಿರಾಖನು ತರೀಕ ಯೋಹಾನನೆ ಲೀಖ್ಯೋತೆ ಸುವಾರ್ತೆನು ಲೀಖ್ಯಾನ ಘಣು ಖನ್ನೆಛಾ಼ ಯೋಹಾನನೆ ಲೀಖ್ಯೋತೆ ಸುವಾರ್ತೆ ಯೋಹಾನನೆಸ್ ಲೀಖಿರಾಖ್ಯೊಸ್ ಕರಿ ವಿಶ್ವಾಸ್ ಕರಸ್. ಅಜು಼ ಯೋಹಾನನೆ ಲೀಖ್ಯೋತೆ ಏಕ್‌ನಿ ಚಿಟ್ಟಿ, ಬೇನಿ ಚಿಟ್ಟಿ ಅಜು಼ ತೀನ್ನಿ ಚಿಟ್ಟಿಬಿ ಜಿನು ಇನೆ ಎಫೆಸಮ ಜಿವ್ಣುಕರುಕರಾನಿ ವಖ್ಹ್‌ತೆ ಲೀಖಿರಾಖ್ಯೊಸ್ ಕರಿ ವಿಶ್ವಾಸ್ ಕರಸ್.

ಯೋಹಾನನೆ ದೇವ್‌ಮ ವಿಶ್ವಾಸ್‌ಕೊಂತೆ ಬೋಲಾವಸ್ತೆ ಕರಿ ಅದ್ಮಿನು ಝೂ಼ಂಡ್‌ಥಿ ತಕ್ಲಿಬ್‌ಮ ರ‍್ಹವಾನಿವಖ್ಹ್‌ತೆ ಅಖ್ಖಾಸ್ ಕ್ರಿಸ್ತ ವಿಶ್ವಾಸಿನಖ್ಹಾಜೆ ಆ ಚಿಟ್ಟಿ ಲೀಖ್ಯೊ. ಆ ಅದ್ಮಿ ಯೇಸು ಭರ್‌ಪೂರ್‌ಥಿ ದೇವ್ ಹುಯಿರ‍್ಹೊಸ್‌ಕರಿ ಕತೋಬಿ ಜ಼ಮೀನ್‌ಪರ್ ಯೋರ‍್ಹವಾನಿ ವಖ್ಹ್‌ತೆ ಲ್ಹೋಯಿಥಿ ಬೋಟೀಥಿ ಅದ್ಮಿನ ಶರೀರ್‌ನ ಲೀರಾಖ್ಯೊಸ್ತೆ ಖ್ಹಾಚ ಕಾಹೆಕರಿ ವಿಶ್ವಾಸ್‌ ಕರಿರಾಖ್ಯುಥು ಅನಖ್ಹಾಜೆ ಯೋಹಾನನೆ ಯೇಸುನು ಜಿವ್ಣು ಅಜು಼ ಇನ ಶೊಂತ್‌ ಹಾತೇಖ್ಹು ಇನ ಮೂಚಿರಾಖನು ಏಕ್‌ ಡೋಳೆಖ್ಹು ದೇಖಾನಿತರನು ಸಾಕ್ಷಿ ಹುಯಿರ‍್ಹಾವನಿ ಬಾರೇಮ ಲೀಖಸ್.

ಕಾಡಿದೇಖೊ

1. ಯೋಹಾನ ಇನು ಬಾರೇಮ ಬೋಲಿಲೆಸ್. ಅಜು಼ ಆ ಚಿಟ್ಟಿನ ಲೀಖಾನ ಏಕ್‌ ಉದ್ದೇಶ್ ಛಾ಼ಕರಿ ಬೋಲಸ್.

2. ಇನಕೇಡೆಥು ಇನೆ ದೇವ್ ಕಿಮ್ ಉಜಾ಼ಳು ಹುಯಿರ‍್ಹೊಸ್. ಅಜು಼ ಅಪ್ಣೆ ಯೇಸುನೆ ಜಿವ್ಣು ಕರ‍್ಯೊತೆ ಇಮ್ಮಸ್ ಜಿವ್ಣು ಕರ‍್ನುಕರಿ ಬೋಲಾನು ಬಾರೇಮ ಬೋಲಿವತಾಳಸ್.

3. ಇನಕೇಡೆಥು ಇನೆ ಏಕ್‌ಥಿ ಏಕ್‌ ಪ್ಯಾರ್ ಕರ್ನುಕರಿ ಹುಕುಮ್‌ನ ಯಾದ್ ಕರಾವಸ್.

4. ಇನೆ ಇನು ಬಾರೇಮ ಖತಮ್ ಕರಸ್.