Muⱪeddes Kalam (yǝngi yeziⱪ)
Zǝbur 99
99-küy •••• Muⱪǝddǝs Hudaƣa mǝdⱨiyǝ
Pǝrwǝrdigar ⱨɵküm süridu!
Hǝlⱪlǝr titrisun!
U kerublar otturisida olturidu;
Yǝr-jaⱨan zilziligǝ kǝlsun!
Pǝrwǝrdigar Zionda büyüktur,
U barliⱪ hǝlⱪlǝr üstidǝ turidiƣan aliydur.
Ular uluƣ wǝ sürlük namingni mǝdⱨiyilǝydu;
U pak-muⱪǝddǝstur!
Padixaⱨning ⱪudriti adalǝtkǝ beƣixlanƣandur;
Ɵzüng durusluⱪni mǝⱨkǝm ornatⱪansǝn;
Sǝn Yaⱪup arisida adalǝt wǝ ⱨǝⱪⱪaniyǝt yürgüzgǝn.
Pǝrwǝrdigar Hudayimizni uluƣlanglar!
Tǝhtipǝri aldida egilip sǝjdǝ ⱪilinglar —
U muⱪǝddǝstur!
Uning kaⱨinliri arisida Musa wǝ Ⱨarun bar idi,
Namini qaⱪirƣanlar iqidǝ Samuilmu ⱨazir idi;
Ular Pǝrwǝrdigarƣa iltija ⱪilip, qaⱪirdi,
U ularƣa jawab bǝrdi.
Huda bulut tüwrükidǝ ularƣa sɵzlidi;
Ular U tapxurƣan agaⱨ-guwaⱨliⱪlarƣa ⱨǝm nizam-bǝlgilimigǝ ǝmǝl ⱪilixatti.
I Pǝrwǝrdigar Hudayimiz, Sǝn ularƣa jawab bǝrding;
Yaman ⱪilmixliriƣa yarixa jaza bǝrgǝn bolsangmu,
Sǝn ularni kǝqürgüqi Ilaⱨ iding.
Pǝrwǝrdigar Hudayimizni uluƣlanglar!
Uning muⱪǝddǝs teƣida egilip sǝjdǝ ⱪilinglar!
Qünki Pǝrwǝrdigar Hudayimiz muⱪǝddǝstur!
Muⱪeddes Kalam (yǝngi yeziⱪ). Copyright © 2010 Mukeddes Kalam - Uyghur Bible Translation Committee. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.