Muⱪeddes Kalam (yǝngi yeziⱪ)
Zǝbur 96
96-küy •••• Alǝm Igisi kelidu!
Pǝrwǝrdigarƣa atap yengi nahxa eytinglar!
Pütkül yǝr-zemin, Pǝrwǝrdigarni küylǝnglar! 1
Pǝrwǝrdigarƣa nahxa eytinglar, namiƣa tǝxǝkkür-mǝdⱨiyǝ ⱪayturunglar,
Nijatliⱪini ⱨǝr küni elan ⱪilinglar!
Uning xan-xɵⱨritini ǝllǝr arisida,
Uning mɵjizilirini barliⱪ ⱪowmlar arisida jakarlanglar!
Qünki Pǝrwǝrdigar uluƣ, zor mǝdⱨiyǝlǝrgǝ layiⱪtur!
U barliⱪ ilaⱨlardin üstün, Uningdin ⱪorⱪux kerǝktur; 2
Qünki hǝlⱪlǝrning barliⱪ ilaⱨliri — Butlar halas,
Biraⱪ Pǝrwǝrdigar asman-pǝlǝkni yaratⱪandur. 3
Xanu-xǝwkǝt wǝ ⱨǝywǝt Uning aldida,
Muⱪǝddǝs jayida ⱪudrǝt wǝ güzǝllik kɵrünidu.
Pǝrwǝrdigarƣa tǝǝlluⱪini bǝrgǝysilǝr, i ǝl-ⱪǝbililǝr,
Pǝrwǝrdigarƣa xan-xɵⱨrǝt wǝ ⱪudrǝtni bǝrgǝysilǝr! 4
Pǝrwǝrdigarƣa Ɵz namiƣa layiⱪ xan-xɵⱨrǝtni bǝrgǝysilǝr;
Sowƣa-salam elip ⱨoyliliriƣa kiringlar!
Pǝrwǝrdigarƣa pak-muⱪǝddǝslikning güzǝllikidǝ sǝjdǝ ⱪilinglar;
Pütkül yǝr-zemin, Uning aldida titrǝnglar! 5 6
Əllǝr arisida elan ⱪilinglar: —
«Pǝrwǝrdigar ⱨɵküm süridu!
Xunga mana, dunya mǝzmut ⱪilinƣan, u tǝwrǝnmǝs ǝsla.
U adilliⱪ bilǝn hǝlⱪlǝr üstigǝ ⱨɵküm qiⱪiridu.
Asmanlar xadlansun, yǝr-jaⱨan hux bolsun,
Dengiz-okyan wǝ uningƣa tolƣan ⱨǝmmǝ quⱪan selip jux ursun!
13 Dalalar ⱨǝm ulardiki ⱨǝmmǝ yayrisun!
U qaƣda ormandiki pütkül dǝrǝhlǝr Pǝrwǝrdigar aldida yangritip nahxa eytidu;
Qünki mana, U kelidu!
U jaⱨanni soraⱪ ⱪilixⱪa kelidu;
U alǝmni adilliⱪ bilǝn,
Hǝlⱪlǝrni Ɵz ⱨǝⱪiⱪǝt-sadaⱪitidǝ soraⱪ ⱪilidu. 7
Source notes (7)
- Cross-reference ◘ 1Tar. 16:23-33
- Footnote ◼ «Uningdin ⱪorⱪux kerǝktur» — yaki «U dǝⱨxǝtlik-ⱪorⱪunqluⱪtur».
- Footnote ◼ «... hǝlⱪlǝrning barliⱪ ilaⱨliri — butlar halas» — «butlar» ibraniy tilida «ǝrzimǝslǝr».
- Footnote ◼ «Pǝrwǝrdigarƣa xan-xɵⱨrǝt wǝ ⱪudrǝtni bǝrgǝysilǝr!» — muxu sɵzlǝr bǝlkim xuni bildüriduki, Hudaƣa Ɵzigǝ layiⱪ xan-xǝrǝp kǝltürsǝk, bu ⱪilƣinimiz uningƣa biz arⱪiliⱪ Ɵz küq-ⱪudritini tehimu kɵrsitix imkaniyitini yaritidu.
- Footnote ◼ «... pak-muⱪǝddǝslikning güzǝllikidǝ sǝjdǝ ⱪilinglar» — yaki «... pak-muⱪǝddǝs eginlǝrni kiyip sǝjdǝ ⱪilinglar».
- Cross-reference ◘ Zǝb. 29:2
- Cross-reference ◘ Zǝb. 98:7-8; Wǝⱨ. 19:11
Muⱪeddes Kalam (yǝngi yeziⱪ). Copyright © 2010 Mukeddes Kalam - Uyghur Bible Translation Committee. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.