Muⱪeddes Kalam (yǝngi yeziⱪ)
Zǝbur 26
26-küy •••• Barliⱪ rǝzilliktin yiraⱪlixixⱪa intilix
Dawut yazƣan küy: —
Mǝn üqün ⱨɵküm qiⱪarƣaysǝn, i Pǝrwǝrdigar;
Qünki mǝn ɵz durusluⱪumda turup mangdim;
Mǝn Pǝrwǝrdigarƣa tayinip kǝlgǝnmǝn;
Meni sinap baⱪⱪaysǝn, i Pǝrwǝrdigar, meni tǝkxürüp baⱪⱪin;
Wijdanimni, ⱪǝlbimni tawliƣaysǝn; 3
Qünki ɵzgǝrmǝs muⱨǝbbitingni kɵz aldimda tutⱪanmǝn;
Mǝn ⱨǝⱪiⱪitingni ɵzümgǝ yetǝkqi ⱪilip mangdimmǝn.
Mǝn yalƣanqilar bilǝn ⱨǝmdastihan olturmidim;
Sahtipǝzlǝrgǝ ⱨǝmraⱨ boluxⱪa kirmǝymǝn. 4
Yamanliⱪ ⱪilƣuqilar jamaitidin yirginimǝn;
Rǝzillǝr bilǝnmu olturmaymǝn.
Ⱪollirimni gunaⱨsizliⱪta yuyimǝn;
Xunda, ⱪurbangaⱨingni aylinip yürǝlǝymǝn.
Wǝ ⱨǝm tǝxǝkkürlǝrni anglitimǝn;
Barliⱪ karamǝtliringni jakarlaymǝn.
I Pǝrwǝrdigar, makaning bolƣan ɵyni,
Xan-xǝriping turƣan jayni sɵyüp kǝldim;
Jenimni gunaⱨkarlar bilǝn,
Ⱨayatimni ⱪanhorlar bilǝn billǝ elip kǝtmigǝysǝn;
Ularning ⱪolida suyiⱪǝstlǝr bardur,
Ong ⱪoli parilarƣa toldi.
Mǝn bolsam, durusluⱪumda mengip yürüwerimǝn;
Meni ⱨɵrlükkǝ qiⱪirip ⱪutⱪuzƣaysǝn,
Manga meⱨir-xǝpⱪǝt kɵrsǝtkǝysǝn. 5
Putum bolsa tüptüz jayda turidu;
Jamaǝtlǝr arisida turup Pǝrwǝrdigarƣa tǝxǝkkür-mǝdⱨiyilǝr ⱪayturimǝn.
Source notes (5)
- Footnote ◼ «Mǝn Pǝrwǝrdigarƣa tayinip kǝlgǝnmǝn; mǝn teyilip kǝtmǝymǝn» — yǝnǝ birhil tǝrjimisi «Mǝn ⱨeq tǝwrǝnmǝs Pǝrwǝrdigarƣa tayinip kǝldim».
- Cross-reference ◘ Zǝb. 7:8
- Footnote ◼ «wijdanim» — yaki «niyǝtlirim». Bu sɵz ibraniy tilida «bɵrǝklǝr» degǝn bilǝn ipadilinidu.
- Cross-reference ◘ Ayup 31:5; Zǝb. 1:1
- Footnote ◼ «Meni ⱨɵrlükkǝ qiⱪirip ⱪutⱪuzƣaysǝn» — muxu «ⱨɵrlükkǝ qiⱪirix» gunaⱨning asaritidin ⱪutⱪuzuxni kɵrsitidu.
Muⱪeddes Kalam (yǝngi yeziⱪ). Copyright © 2010 Mukeddes Kalam - Uyghur Bible Translation Committee. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.