Muⱪeddes Kalam (yǝngi yeziⱪ)
Zǝbur 23
23-küy •••• Pǝrwǝrdigar meni baⱪⱪuqi padiqimdur! •••• 1-ayǝttiki izaⱨatni kɵrüng
Dawut yazƣan küy: —
Pǝrwǝrdigar meni baⱪⱪuqi Padiqimdur,
Moⱨtaj ǝmǝsmǝn ⱨeq nǝrsigǝ; 1 2
U meni yumran qɵplǝrdǝ yatⱪuzup dǝm aldurar;
Tinq aⱪidiƣan sularni boylitip baⱪidu;
U wujudumni yengilaydu;
U ⱨǝⱪⱪaniyliⱪ yolida Ɵz nami üqün yetǝklǝydu; 3
Ⱨǝtta mǝn ɵlüm sayisi bolƣan jilƣidin ɵtsǝmmu,
Ⱨeq yamanliⱪtin ⱪorⱪmaymǝn;
Qünki Sǝn mǝn bilǝn billidursǝn;
Sening ⱨasang ⱨǝm tayiⱪing manga tǝsǝllidur. 4
Meni har ⱪilƣuqilarning kɵz aldida manga kǝng dastihan salisǝn;
Mening beximni may bilǝn mǝsiⱨ ⱪilisǝn;
Ⱪǝdǝⱨim taxidu;
Bǝrⱨǝⱪ, barliⱪ künlirimdǝ yahxiliⱪ wǝ ɵzgǝrmǝs xǝpⱪǝt manga ǝgixip ⱨǝmraⱨ bolidu;
Mǝnggüdin-mǝnggügǝ Pǝrwǝrdigarning dǝrgaⱨida yaxaymǝn! 5
Source notes (5)
- Footnote ◼ «Bu uluƣ küy toƣruluⱪ izaⱨat» — Pǝlǝstindiki ⱪoylar bilǝn padiqining munasiwiti naⱨayiti yeⱪin. U ular bilǝn keqǝ-kündüz billǝ bolidu, ularƣa isim ⱪoyidu. Yengi yaylaⱪⱪa kɵqkǝndǝ, padiqi ⱪoylarning bexida mengip, ularni qaⱪirip yetǝklǝydu; ularning bexi tikǝnliktǝ yarilinip ⱪalsa, padiqi may bilǝn sürüp «mǝsiⱨ ⱪilidu»; bǝzi padiqilar ⱨǝtta amraⱪ ⱪoyliriƣa alaⱨidǝ ⱪǝdǝⱨtin xarab iquridu.
- Cross-reference ◘ Yǝx. 40:11; Yǝr. 23:4; Əz. 34:23; Yuⱨ. 10:11; 1Pet. 2:25; Wǝⱨ. 7:17
- Footnote ◼ «U wujudumni yengilaydu» — «yengilaydu» ibraniy tilida bu sɵz «towiƣa ⱪayturidu» yaki «towa ⱪilduridu» degǝn mǝnini ɵz iqigǝ alidu.
- Cross-reference ◘ Zǝb. 3:6; 118:6
- Footnote ◼ «barliⱪ künlirimdǝ yahxiliⱪ wǝ ɵzgǝrmǝs xǝpⱪǝt manga ǝgixip ⱨǝmraⱨ bolidu» —yaki «barliⱪ künlirimdǝ manga ǝgixip ⱨǝmraⱨ bolƣan ɵzgǝrmǝs xǝpⱪǝt nemidigǝn yahxi!». «Mǝnggüdin-mǝnggügǝ Pǝrwǝrdigarning dǝrgaⱨida yaxaymǝn!» — yaki «Ⱪaytip mǝnggüdin-mǝnggügǝ Pǝrwǝrdigarning dǝrgaⱨida yaxaymǝn!». «Pǝrwǝrdigarning dǝrgaⱨi» ibraniy tilida «Pǝrwǝrdigarning ɵyidǝ». Dawut bu küyni yazƣanda Yerusalemdiki muⱪǝddǝs ibadǝthana tehi mǝwjut ǝmǝs idi.
Muⱪeddes Kalam (yǝngi yeziⱪ). Copyright © 2010 Mukeddes Kalam - Uyghur Bible Translation Committee. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.