Zǝbur 148

148-küy •••• Pütkül alǝm, Pǝrwǝrdigarni uluƣlanglar!

1Ⱨǝmdusana!

Pǝrwǝrdigarni asmanlardin mǝdⱨiyilǝnglar;

Yuⱪiri jaylarda Uni mǝdⱨiyilǝnglar; 1

2Uni mǝdⱨiyilǝnglar, barliⱪ pǝrixtiliri;

Uni mǝdⱨiyilǝnglar, barliⱪ ⱪoxunliri!

3Uni mǝdⱨiyilǝnglar, i ⱪuyax ⱨǝm ay,

Uni mǝdⱨiyilǝnglar, ⱨǝmmǝ parlaⱪ yultuzlar;

4Uni mǝdⱨiyilǝnglar, asmanlarning asmanliri,

Asmandin yuⱪiri jaylaxⱪan sular!

5Bular Pǝrwǝrdigarning namini mǝdⱨiyiligǝy;

Qünki U buyruƣan ⱨaman, ular yaratilƣandur; 2

6U ularni ǝbǝdil’ǝbǝdgiqǝ turƣuzdi;

Ular üqün waⱪti ɵtmǝydiƣan bǝlgilimini buyruƣan. 3

7Pǝrwǝrdigarni zemindin mǝdⱨiyilǝnglar,

Dengizdiki barliⱪ ǝjdiⱨalar, dengizning barliⱪ tǝgliri;

8Ot, mɵldüz, ⱪar, tuman,

Uning sɵzigǝ ǝmǝl ⱪilidiƣan judunluⱪ xamal;

9Taƣlar ⱨǝm barliⱪ dɵnglǝr,

Mewilik dǝrǝhlǝr, barliⱪ kedir dǝrǝhliri,

10Yawayi ⱨaywanlar, barliⱪ mal-waranlar,

Ɵmiligüqilǝr ⱨǝm uqar-ⱪanatlar;

11Jaⱨan padixaⱨliri wǝ barliⱪ ⱪowmlar,

Əmirlǝr ⱨǝm yǝr yüzidiki barliⱪ ⱨakim-sotqilar;

12Ⱨǝm yigitlǝr ⱨǝm ⱪizlar,

Bowaylar wǝ yaxlar, —

13Ⱨǝmmisi Pǝrwǝrdigarning namini mǝdⱨiyiligǝy;

Qünki pǝⱪǝtla Uning nami aliydur;

Uning ⱨǝywiti yǝr ⱨǝm asmandin üstün turidu. 4

14Ⱨǝm U Ɵz hǝlⱪining münggüzini,

Yǝni barliⱪ muⱪǝddǝs bǝndilirining mǝdⱨiyisini egiz kɵtürgüzgǝn;

Ular Israil baliliri,

Ɵzigǝ yeⱪin bir hǝlⱪtur!

Ⱨǝmdusana! 5 6