Muⱪeddes Kalam (yǝngi yeziⱪ)

Zǝbur 142

142-küy •••• Yar-yɵlǝksizliktiki dua

Dawut ƣarda yoxurunup turƣan waⱪitta yazƣan «Masⱪil»: —

Mǝn Pǝrwǝrdigarƣa awazimni anglitip nalǝ-pǝryad kɵtürimǝn;

Pǝrwǝrdigarƣa awazim bilǝn yelinimǝn; 1

Uning aldida dad-zarlirimni tɵkimǝn;

Uningƣa awariqilikimni eytimǝn.

Roⱨim iqimdǝ tügixǝy dǝp ⱪalƣanda,

Xu qaƣda basⱪan yolumni bilgǝnsǝn;

Mǝn mangƣan yolda ular manga ⱪiltaⱪ saldi. 2

Ong yenimƣa ⱪarap baⱪⱪaysǝn;

Ətrapimda meni tonuydiƣan adǝm yoⱪtur;

Panaⱨgaⱨ yoⱪap kǝtti;

Ⱨeq adǝm jenimƣa kɵyünmǝydu.

Mǝn Sanga pǝryad kɵtürdüm, i Pǝrwǝrdigar;

Sanga: «Sǝn mening Baxpanaⱨimsǝn,

Tiriklǝrning zeminida bolƣan Nesiwǝmdursǝn» — dedim. 3

Mening pǝryadimƣa ⱪulaⱪ salƣaysǝn;

Qünki mǝn intayin harab ǝⱨwalƣa qüxürüldum;

Meni ⱪoƣliƣuqilirimdin ⱪutuldurƣaysǝn;

Qünki ular mǝndin küqlüktur. 4

Sening namingni tǝbriklixim üqün,

Jenimni türmidin qiⱪarƣaysǝn;

Ⱨǝⱪⱪaniylar ǝtrapimda olixidu;

Qünki Sǝn manga zor meⱨribanliⱪ kɵrsitisǝn.

Source notes (4)

Footnote ◼ «Dawut ƣarda yoxurunup turƣan waⱪitta yazƣan «Masⱪil»: —....» — Dawut pǝyƣǝmbǝr Saul padixaⱨtin ⱪeqip, ikki ⱪetim ƣarda yoxurunƣan waⱪtidiki wǝⱪǝlǝr «Tǝwrat, «1Sam.» -22- ⱨǝm 24-babta yezliƣan.
Cross-reference ◘ Zǝb. 77:3
Cross-reference ◘ Zǝb. 16:5
Cross-reference ◘ Zǝb. 41:2; 79:8; 116:6

Muⱪeddes Kalam (yǝngi yeziⱪ). Copyright © 2010 Mukeddes Kalam - Uyghur Bible Translation Committee. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-10-25.