Zǝbur 113

113-küy •••• Huda xǝpⱪitini kɵrsitix üqün Ɵzini tɵwǝn tutidu

1Ⱨǝmdusana!

Mǝdⱨiyilǝnglar, i Pǝrwǝrdigarning ⱪulliri,

Pǝrwǝrdigarning namini mǝdⱨiyilǝnglar!

2Ⱨazirdin baxlap, ǝbǝdil’ǝbǝdgiqǝ,

Pǝrwǝrdigarning namiƣa tǝxǝkkür-mǝdⱨiyǝ ⱪayturulƣay! 1

3Kün qiⱪardin kün patarƣa,

Pǝrwǝrdigarning nami mǝdⱨiyilinixkǝ layiⱪtur! 2

4Pǝrwǝrdigar ǝllǝrdin yuⱪiri kɵtürüldi;

Xan-xǝripi ǝrxlǝrdin yuⱪiridur.

5Kimmu Pǝrwǝrdigar Hudayimizƣa tǝng bolalisun —

Ɵz makani yuⱪirida bolsimu,

6Asmanlarƣa ⱨǝm yǝrgǝ ⱪarax üqün,

Ɵzini tɵwǝn ⱪilƣuqiƣa?

7Namrat kixini U topa-qangdin kɵtüridu;

Ⱪiƣliⱪtin yoⱪsulni yuⱪirilitidu; 3

8Uni esilzadilǝr ⱪatariƣa,

Yǝni Ɵz hǝlⱪining esilzadiliri arisiƣa olturƣuzidu;

9U tuƣmas ayalni ɵygǝ orunlaxturup,

Uni oƣullarning huxal anisi ⱪilidu.

Ⱨǝmdusana!