Muⱪeddes Kalam (yǝngi yeziⱪ)
Zǝbur 112
112-küy •••• Hudadin ǝyminidiƣan kixi •••• 1-ayǝttiki izaⱨatni kɵrüng
Ⱨǝmdusana!
Pǝrwǝrdigardin ǝyminidiƣan,
Uning ǝmrlirini zor hursǝnlik dǝp bilidiƣan adǝm bǝhtliktur! 1 2
Uning nǝsli zeminda turup küq-ⱪudrǝtlik bolidu;
Duruslarning dǝwri bǝhtlik bolidu.
Uning ɵyidǝ dɵlǝt ⱨǝm bayliⱪlar bolidu;
Ⱨǝⱪⱪaniyliⱪi mǝnggügǝ turidu.
Ⱪarangƣuluⱪta turƣan durus adǝmgǝ nur pǝyda bolidu;
U xǝpⱪǝtlik, rǝⱨimdil ⱨǝm ⱨǝⱪⱪaniydur.
Hǝyrhaⱨ, ɵtnǝ berip turidiƣan adǝmning bǝhti bolidu;
U ɵz ixlirini adilliⱪ bilǝn yürgüzidu. 3
Bǝrⱨǝⱪ, u ǝbǝdiy tǝwritilmǝydu;
Ⱨǝⱪⱪaniy adǝm mǝnggügǝ ǝslinidu.
U xum hǝwǝrdin ⱪorⱪmaydu;
Uning kɵngli toⱪ ⱨalda, Pǝrwǝrdigarƣa tayanƣan.
Dili mǝⱨkǝm ⱪilinƣan, u ⱪorⱪmaydu;
Ahirida u rǝⱪiblirining mǝƣlubiyitini kɵridu.
U ɵziningkini mǝrdlǝrqǝ tarⱪatⱪan,
Yoⱪsullarƣa beridu;
Uning ⱨǝⱪⱪaniyliⱪi mǝnggügǝ turidu;
Uning münggüzi izzǝt-xɵⱨrǝt bilǝn kɵtürülidu.
Rǝzil adǝm buni kɵrüp qidimaydu,
Qixlirini ƣuqurlitidu, u erip ketidu;
Rǝzillǝrning arzu-ⱨǝwisi yoⱪitilidu.
Source notes (3)
- Footnote ◼ «Ⱨǝmdusana! Pǝrwǝrdigardin ǝyminidiƣan, Uning ǝmrlirini zor hursǝnlik dǝp bilidiƣan adǝm bǝhtliktur!...» — bu küy «elipbǝ tǝrtipilik» küy. Biraⱪ ibraniy tilini tǝrjimǝ ⱪilix jǝryanida jümlǝ tǝrtiplirini ɵzgǝrtix kerǝkliki tüpǝylidin, «elipbǝ tǝrtipilik» nushini kɵrsitǝlmiduⱪ.
- Cross-reference ◘ Zǝb. 1:1, 2
- Footnote ◼ «U ɵz ixlirini adilliⱪ bilǝn yürgüzidu» — baxⱪa ikki hil tǝrjimisi bar: — «U ɵz adilliⱪi bilǝn ɵz ixlirini yürüxtüridu» yaki «Dǝwada bolsa ⱨɵküm uning tǝripidǝ bolidu». Mumkinqiliki barki, yazƣuqi bu üq mǝnining ⱨǝmmisini kɵzdǝ tutⱪan.
Muⱪeddes Kalam (yǝngi yeziⱪ). Copyright © 2010 Mukeddes Kalam - Uyghur Bible Translation Committee. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.