Muⱪeddes Kalam (yǝngi yeziⱪ)
Zǝbur 101
101-küy •••• Adil padixaⱨ boluxⱪa bǝl baƣlax
Dawut yazƣan küy: —
Mǝn ɵzgǝrmǝs muⱨǝbbǝt ⱨǝm adalǝt toƣruluⱪ nahxa eytimǝn,
Seni, i Pǝrwǝrdigar, nahxilar bilǝn küylǝymǝn.
Mǝn mukǝmmǝl yolda eⱨtiyat bilǝn ix kɵrimǝn;
Sǝn ⱪaqanmu yenimƣa kelisǝn!?
Ɵz ɵy-ordamda sap kɵngül bilǝn yürimǝn.
Ⱨeq pasiⱪ nǝrsini kɵz aldimƣa kǝltürmǝymǝn,
Yoldin qǝtnigǝnlǝrning ⱪilmixliriƣa nǝprǝtlinimǝn;
Bundaⱪlar manga ⱨeq yepixmas ǝsla.
Əgri kɵngül meningdin yiraⱪ ketidu,
Ⱨeq rǝzillikni tonuƣum yoⱪtur.
Kimki ɵz yeⱪinining kǝynidin tɵⱨmǝt ⱪilƣan bolsa,
Mǝn uni yoⱪitimǝn;
Nǝziri üstün, dili tǝkǝbbur adǝmni mǝn siƣdurmaymǝn;
Kɵzlirim zemindiki mɵminlǝrdidur,
Ular ordamda mǝn bilǝn billǝ tursun!
Kim mukǝmmǝl yolda mangsa, u mening hizmitimdǝ bolidu.
Aldamqiliⱪ yürgüzgǝnlǝrning ɵy-ordamda orni bolmaydu,
Yalƣan sɵzligǝnlǝr kɵz aldimda turmaydu.
Pǝrwǝrdigarning xǝⱨiridin yamanliⱪ ⱪilƣuqilarni üzüp taxlax üqün,
Ⱨǝr sǝⱨǝrdǝ zemindiki barliⱪ rǝzil adǝmlǝrni yoⱪitimǝn. 1
Source notes (1)
- Footnote ◼ «Ⱨǝr sǝⱨǝrdǝ zemindiki barliⱪ rǝzil adǝmlǝrni yoⱪitimǝn» — demǝk, Dawut ⱨǝr ǝtigǝndǝ hǝlⱪning dǝwalirini sorap sot aqatti. Bu ix mukǝmmǝl bolmiƣan bolsimu, kǝlgüsidǝ Dawutning ǝwladi Ⱪutⱪuzƣuqi-Mǝsiⱨning bundaⱪ ixni mukǝmmǝl ⱪilidiƣanliⱪiƣa ixinimiz. Dawutning xundaⱪ adil soraⱪ ⱪilixi Mǝsiⱨning kǝlgüsidiki soraⱪ ⱪilixiƣa bexarǝt bolidu.
Muⱪeddes Kalam (yǝngi yeziⱪ). Copyright © 2010 Mukeddes Kalam - Uyghur Bible Translation Committee. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.