Muqeddes Kalam (latin yéziq)
Zebur 61
61-küy •••• «Mendin yuqiri Qoram Tash»
Neghmichilerning béshigha tapshurulup, tarliq sazlar bilen oqulsun dep Dawut yazghan küy: —
I Xuda, peryadimni anglighaysen;
Duayimgha qulaq salghaysen!
Yerning chet-chetliride turup,
Yürikim zeipliship ketkende,
Men Sanga murajiet qilimen: —
Sen méni özümdin yuqiri Qoram Tashqa yétekleysen! 1
Chünki Sen manga panahgah,
Düshminim aldida mustehkem munar bolup kelgensen.
Men chédiringni menggülük turalghum qilimen;
Qanatliring sayiside panah tapimen.
Sélah.
Chünki Sen, i Xuda, qesemlirimni angliding;
Özüngdin eyminidighanlargha tewe mirasni mangimu berdingsen. 2
Padishahning künlirige kün qoshup uzartisen;
Uning yilliri dewrdin-dewrgiche bolidu. 3
U Xudaning aldida menggü höküm süridu;
Uni aman saqlashqa muhebbet we heqiqetni békitip teminligeysen;
Shuning bilen aldingda ichken qesemlirimge her küni emel qilimen;
Men namingni menggü küyleymen!
Source notes (3)
- Footnote ◼ «Men özümdindin yuqiri Qoram Tash» — Xudani körsitidu, elwette. «Mendin yuqiri» dégen ibare belkim Dawutning gerche padishah bolsimu, «Özümni nahayiti üstün, qabiletlik adem hésablimaymen, herdaim Xudadin yol sorishim kérek» dégendek, hemmimizni kichik péilliq bolushqa, ündeydu.
- Footnote ◼ «Özüngdin eyminidighanlargha tewe miras...» — ibraniy tilida «Namingdin eyminidighanlargha tewe miras...».
- Footnote ◼ «Padishahning künlirige kün qoshup uzartisen; uning yilliri dewrdin-dewrgiche bolidu» — Dawut özi Israilgha padishah bolup qiriq yil höküm sürgen. Shübhisizki, u bu yerde öz ewladi bolidighan Qutquzghuchi-Mesih toghruluq bésharet béridu.
Muqeddes Kalam (latin yéziq). Copyright © 2010 Mukeddes Kalam - Uyghur Bible Translation Committee. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.