Muqeddes Kalam (latin yéziq)
Zebur 57
57-küy •••• Éghir künlerdiki étiqad
Neghmichilerning béshigha tapshurulup, «Halak qilmighaysen» dégen ahangda oqulsun dep, Dawut yazghan «Mixtam» küyi, (u Saul padishahtin qéchip, öngkürde yoshurunuwalghan chaghda yézilghan): —
I Xuda, manga shepqet körsetkeysen,
Manga shepqet körsetkeysen,
Chünki jénim Séni panahim qildi.
Mushu balayi’apet ötüp ketküche, qanatliring sayiside panah tapimen. 1 2
Xudagha, yeni Hemmidin Aliy Bolghuchigha,
Özüm üchün hemmini orunlaydighan Tengrige nida qilimen;
U ershtin yardem ewetip méni qutquzidu;
Manga qarap nepsi yoghinap, méni qoghlawatqanlarni U reswa qilidu;
Sélah;
Xuda Öz méhir-shepqiti we heqiqitini ewetidu!
Jénim shirlar arisida qaldi;
Men nepisi yalqun kebi bolghanlar arisida yatimen!
Adem baliliri —
Ularning chishliri neyze-oqlardur,
Ularning tili — ötkür qilichtur!
I Xuda, ershlerdin yuqiri ulughlan’ghaysen,
Shan-sheriping yer yüzini qaplighay! 3
Ular qedemlirimge tor qurdi;
Jénim égilip ketti;
Ular méning yolumgha orek kolighanidi,
Lékin özliri ichige chüshüp ketti. 4
Iradem ching, i Xuda, iradem ching;
Men medhiye naxshilarni éytip,
Berheq Séni küyleymen! 5
Oyghan, i rohim!
I neghme-sazlirim, oyghan!
Men seher quyashinimu oyghitimen! 6
Men qowmlar arisida séni ulughlaymen, i Reb;
Eller arisida Séni küyleymen! 7
Chünki özgermes muhebbiting ershlerge yetküdek ulughdur;
Heqiqiting bulutlargha taqashti. 8
I Xuda, ershlerdin yuqiri ulughlan’ghaysen,
Shan-sheriping yer yüzini qaplighay!
Source notes (8)
- Footnote ◼ «Dawut yazghan «Mixtam» küyi» — «Mixtam» 16-küydiki izahatni körüng. «U Saul padishahtin qéchip, öngkürde yoshurunuwalghan chaghda yézilghan» — bu weqeler «1Sam.» 24-babta bayan qilinidu.
- Cross-reference ◘ 1Sam. 22:1; 24:4
- Cross-reference ◘ Zeb. 108:5
- Cross-reference ◘ Zeb. 7:15-16; 9:16
- Cross-reference ◘ Zeb. 108:1-5
- Footnote ◼ «Oyghan, i rohim!» — bu ayettiki «rohim» ibraniy tilidiki «shan-sheripim» dégen sözning terjimsi. «Neghme-sazlirim!» ibraniy tilida «lira (rawabdek bir saz) we chiltar»ni bildüridu.
- Cross-reference ◘ Zeb. 18:49; 22:22; 108:3
- Cross-reference ◘ Zeb. 36:5-6; 108:4
Muqeddes Kalam (latin yéziq). Copyright © 2010 Mukeddes Kalam - Uyghur Bible Translation Committee. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.