Muqeddes Kalam (latin yéziq)

Zebur 3

3-küy •••• Seherdiki dua

Dawut öz oghli Abshalomdin qéchip yürgen künlerde yazghan küy: —

I Perwerdigar, méni qistawatqanlar neqeder köpiyip ketken,

Men bilen qarshilishiwatqanlar némidégen köp! 1 2

Nurghunlar men toghruluq: —

«Xudadin uninggha héch nijat yoqtur!» déyishiwatidu.

Sélah! 3

Biraq Sen, i Perwerdigar, etrapimdiki qalqandursen;

Shan-sheripim hem béshimni yöligüchidursen! 4

Awazim bilen men Perwerdigargha nida qilimen,

U muqeddes téghidin ijabet béridu.

Sélah.

Men bolsam yattim, uxlidim;

Oyghandim, chünki Perwerdigar manga yar-yölek bolidu. 5

Méni qorshap sep tüzgen tümenligen ademler bolsimu,

Men ulardin qorqmaymen! 6

I Perwerdigar, ornungdin tur!

Méni qutquz, i Xudayim!

Méning barliq düshmenlirimning testikige salghaysen;

Rezillerning chishlirini chéqiwetkeysen!

Nijatliq bolsa Perwerdigardindur;

Berikiting Öz xelqingde bolsun!

Sélah! 7

Source notes (7)

Footnote ◼ «Dawut öz oghli Abshalomdin qéchip yürgen künlerde...» — mushu weqe, «2Sam.» 15-18-babta xatirilen’gen.
Cross-reference ◘ 2Sam. 15,16,17,18
Footnote ◼ «Xudadin uninggha héch nijat yoqtur!» — démisekmu, «nijat» «(Xudadin kelgen) qutquzush» dégenni bildüridu. «Sélah» — mushu söz belkim küy chalghan waqtida muzikidiki bir «pauza»ni körsitishi mumkin; shuning bilen uning: — «Toxta, oylan!» dégen imasi bolushi mumkin.
Footnote ◼ «Shan-sheripim hem béshimni yöligüchidursen!» — «méning shan-sheripim» dégen ibare ikki bisliq söz bolup, belkim: (1) Dawutning medhiyisining témisi Xuda Özidur; (2) Xudaning Dawutning öz Xudasi bolghanliqi, bu nahayiti pexirlik, shereplik ishtur, dégen ikki menini bildürüshi mumkin.
Cross-reference ◘ Zeb. 4:8
Cross-reference ◘ Zeb. 27:3
Cross-reference ◘ Pend. 21:31; Yesh. 43:11; Yer. 3:23; Hosh. 13:4; Weh. 7:10; 19:1

Muqeddes Kalam (latin yéziq). Copyright © 2010 Mukeddes Kalam - Uyghur Bible Translation Committee. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-10-25.