Muqeddes Kalam (latin yéziq)
Zebur 121
121-küy •••• Reb himaye qilghuchimdur
«Yuqirigha chiqish naxshisi»
Közlirimni taghlar terepke kötürüp qaraymen;
Méning yardimim qeyerdin kélur?
Méning yardimim Perwerdigardindur;
Asman-zéminni Yaratquchidindur.
U putungni héch téyildurmaydu;
Séni saqlighuchi héch mügdimeydu!
Mana, qara, Israilni saqlighuchi hem mügdimeydu, hem uxlimaydu!
Perwerdigar séning saqlighuchingdur;
Perwerdigar ong yéningdiki sayiwendur.
Quyash kündüzde, ay kéchide sanga zerer yetküzmeydu;
Perwerdigar barliq yamanliqtin séni saqlaydu;
U jéningni saqlaydu;
Perwerdigar chiqishingni, kirishingni,
Buningdin kéyin ebedil’ebedgiche saqlaydu.
Muqeddes Kalam (latin yéziq). Copyright © 2010 Mukeddes Kalam - Uyghur Bible Translation Committee. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.