Muqeddes Kalam (latin yéziq)
Zebur 120
120-küy •••• Urushqaq xelq arisida
«Yuqirigha chiqish naxshisi»
Béshimgha kün chüshkende men Perwerdigargha nida qildim;
U manga jawab berdi. 1
I Perwerdigar, jénimni yalghan sözleydighan lewlerdin,
Aldamchi tildin qutuldurghaysen. 2
Sanga néme bérilidu,
Sanga néme qoshulushi kérek,
Ey aldamchi til?
— Palwan atqan ötkür oqlar,
Archa choghliri sanga tegsun! 3
Meshek diyarida musapir bolup yashighinimgha,
Kédar chédirliri arisida turghinimgha halimgha way! 4
Men tinchliqqa öchler arisida uzundin buyan turuwatimen;
Men tinchliqperwermen;
Biraq gep qilsam, ular urushimizla, deydu.
Source notes (4)
- Footnote ◼ «Yuqirigha chiqish naxshisi» — bundaq mawzuluq küydin jemiy 15i bar. Buning menisi toghruluq alimlarning üch xil pikri bar: (1) Yérusalémdiki ikkinchi ibadetxana ichide hoyligha chiqidighan 15 pelempey bar idi; héyt waqitlirida herbir pelempeyde toxtap bir küy éytilghan. (2) Yérusalémgha tawab qilish héytigha barmaqchi (ibraniy tilida bu «chiqmaqchi» dégen söz bilen ipadilinidu) bolghan yoluchilar bu naxshilarni éytqan; (3) bu 15 küy Israillar Babil impériyesidiki sürgünlüktin qutulup chiqip, Yérusalémgha qaytip kelgenliki (ibraniy tilida «chiqqanliqi»)ni tebrikleydighan naxshilar idi. Bizningche üch pikirning hemmisi toghra bolushi mumkin.
- Cross-reference ◘ 1Sam. 24:10; 26:19
- Cross-reference ◘ Zeb. 11:2; 59:7
- Footnote ◼ «Meshek diyarida .... Kédar chédirliri arisida...» — «Meshek» — Israil zéminidin eng chet jay dep hésablan’ghan (belkim hazirqi Moskwa yaki Türkiye); Kédardikiler bolsa Israilning Ereb qoshniliri hem reqibliri idi. Bu yerde ular belkim Xudani étirap qilmaydighan herxil ellerni bildüridu.
Muqeddes Kalam (latin yéziq). Copyright © 2010 Mukeddes Kalam - Uyghur Bible Translation Committee. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.