Muqeddes Kalam (latin yéziq)

Zebur 1

Birinchi Bölüm •••• 1-küy •••• Itaetmen ademning bexti

Rezillerning gépi boyiche mangmaydighan,

Gunahkarlarning yolida turmaydighan,

Mesxire qilghuchining ornida olturmaydighan adem bext tapur! 1

Uning xursenliki peqet Perwerdigarning tewrat-qanunididur;

U Perwerdigarning qanunini kéche-kündüz séghinip oylaydu. 2 3

U xuddi ériq boyigha tikilgen,

Öz peslide méwisini béridighan,

Yopurmaqliri solashmaydighan derextektur;

U némila qilsa ronaq tapidu. 4 5

Rezil ademler bolsa undaq bolmas;

Ular xuddi shamal uchuruwetken tozandektur. 6

Shuning üchün reziller soraq künide tik turalmaydu,

Gunahkarlar heqqaniylarning jamaitide héch béshini kötürüp turalmaydu.

Chünki Perwerdigar heqqaniylarning yolini könglige pükken;

Rezillerning yoli bolsa yoqilidu.

Source notes (6)

Cross-reference ◘ Zeb. 26:4-5; Pend. 1:10, 15; 4:14, 15; 1Kor. 15:33; Ef. 5:11
Footnote ◼ «U Perwerdigarning qanunini kéche-kündüz séghinip oylaydu» — ibraniy tilida: «U Uning qanunini kéche-kündüz séghinip oylaydu». Emeliyette bolsa bu zebur Mesihni körsitidu. Sewebi, Mesihtin bashqa, kim «Perwerdigarning qanunini kéqe-kündüz séghinip oylaydu»?! Birdinbir undaq mukemmel adem peqet Udur. Undaq bolghanda, «Uning qanuni» Öziningkidur!
Cross-reference ◘ Qan. 6:6-9; 17:19; Ye. 1:8; Zeb. 112:1; 119:1
Footnote ◼ «U némila qilsa ronaq tapidu» — bu yerdiki «u», Xudaning yolida mangidighan ademni körsitidu.
Cross-reference ◘ Yer. 17:8
Cross-reference ◘ Ayup 21:18; Zeb. 35:5; Yesh. 17:13; 29:5; Hosh. 13:3

Muqeddes Kalam (latin yéziq). Copyright © 2010 Mukeddes Kalam - Uyghur Bible Translation Committee. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-10-25.