Зәбур 98

98-күй •••• Муқәддәс Худаға мәдһийә

1Пәрвәрдигар һөкүм сүриду!

Хәлиқләр титрисун!

У керублар оттурисида олтириду;

Йәр-җаһан зил-зилигә кәлсун!

2Пәрвәрдигар Зионда бүйүктур,

У барлиқ хәлиқләр үстидә туридиған алийдур.

3Улар улуқ вә сүрлүк намиңни мәдһийиләйду;

У пак-муқәддәстур!

4Падишаһниң қудрити адаләткә беғишланғандур;

Өзүң дуруслуқни мәһкәм орнатқансән;

Сән Яқуп арисида адаләт вә һәққанийәт жүргүзгән.

5Пәрвәрдигар Худайимизни улуқлаңлар!

Тәхтипәри алдида егилип сәҗдә қилиңлар —

У муқәддәстур!

6Униң каһинлири арисида Муса вә Һарун бар еди,

Намини чақирғанлар ичидә Самуилму һазир еди;

Улар Пәрвәрдигарға илтиҗа қилип, чақирди,

У уларға җавап бәрди.

7Худа булут түврүгидә уларға сөзлиди;

Улар У тапшурған агаһ-гувалиқларға һәм низам-бәлгүлимигә әмәл қилишатти.

8И Пәрвәрдигар Худайимиз, Сән уларға җавап бәрдиң;

Яман қилмишлириға яриша җаза бәргән болсаңму,

Сән уларни кәчүргүчи Илаһ едиң.

9Пәрвәрдигар Худайимизни улуқлаңлар!

Униң муқәддәс теғида егилип сәҗдә қилиңлар!

Чүнки Пәрвәрдигар Худайимиз муқәддәстур!