Муқеддес Калам (кирил йезиқ)
Зәбур 86
86-күй •••• Зионниң улуқлуғи
Кораһниң оғуллири үчүн йезилған күй-нахша: —
Униң ули болса муқәддәс тағлардидур. 1
Пәрвәрдигар әвзәл көрәр Яқупниң барлиқ җайлиридинму,
Пәқәтла Зион дәрвазилирини;
Шәривиңгә улуқ ишлар ейтилмақта, и Худаниң шәһири!
Селаһ.
«Раһаб вә Бабиллиқлар бардур Мени тонуғанлар арисида;
Филистийә, Тур билән Ефиопийә шу қатарда» — дәймән.
Улар һәққидә бу адәм туғулғандур шу йәрдә. 2
Бәрһәқ, Зион тоғрилиқ шундақ ейтилар: —
«Бу адәм, паланчи-покунчи униңда туғулған,
Һәммидин Алий Болғучиниң Өзи уни мустәһкәмләйду».
Хәлиқ-қовмларни хатирилигинидә Пәрвәрдигар: —
«Бу киши бу йәрдә туғулған» — дәп алаһидә хатиригә йезип қойиду.
Нахшичилар, уссулчилар шуни тәң ейтиду: —
«Мениң барлиқ булақ-мәнбәлирим сениңдидур!» 5
Source notes (5)
- Footnote ◼ «Униң ули болса муқәддәс тағлардидур» — «Униң ули» — Худаниң ули, демәк.
- Footnote ◼ «... Раһаб билән Бабиллиқлар...» — «Раһаб» бу йәрдә Мисирни билдүриду (мәнаси: «тәкәббур». «Йәш.» 30:7ни көрүң). ««Мени тонуп билгәнләр арисида Раһаб билән Бабилни тилға алимән... мана бу адәм шу йәрдә туғулған» — дәймән» — сөзлигүчи Худа Өзи болса керәк.
- Footnote ◼ ««Бу киши бу йәрдә туғулған» — дәп алаһидә хатиригә йезип қойиду» — бу сирлиқ сөз Худаниң Йәһудий болмиған («ят әллик») Өзигә етиқат қилғучиларни етиқати арқилиқ «Өзүмгә тәвә адәм, Өзүмниң аиләмдики адәм» дәп һесаплап, уларға илтипат қилип: «Йерусалимда туғулған» дәп һесаплайдиғанлиғини көрситиду.
- Cross-reference ◘ Зәб. 22:31; Ибр.12:22-23
- Footnote ◼ «Мениң барлиқ булақ-мәнбәлирим сениңдидур!» — «сениңда» бәлким Зионда дегән мәнада. Бәзи алимлар мәнасини «Худа Өзидә» дәп қарайду.
Муқеддес Калам (кирил йезиқ). Copyright © 2010 Mukeddes Kalam - Uyghur Bible Translation Committee. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.