Зәбур 74

74-күй •••• Адил сорақчи Худа

1-2Нәғмичиләрниң бешиға «Һалак қилмиғайсән» дегән аһаңда оқулсун дәп тапшурулған, Асафниң күй-нахшиси: —

Саңа тәшәккүр ейтимиз, и Худа, тәшәккүр ейтимиз!

Чүнки намиң бизгә йеқиндур;

Буни, қилған карамәтлириң испатлап җакалайду.

3Мәнки Пәрвәрдигар: — «Мән бекиткән вақитни ихтияримға алғинимда,

Адаләт билән сорақ қилимән;

4Йәр һәм йәрниң үстидә туруватқанлар тәвринип турсиму,

Униң түврүклирини турғузғучи Өзүмдурмән» — деди.

Селаһ.

5Махтанғанларға: — «Махтанмаңлар»,

Һәм рәзилләргә «Мүңгүзүңни көтәрмә» — дедим; 1

6«Мүңгүзүңни жуқури көтәрмә;

Бойнуңни қаттиқ қилип ғадийип сөзлимә!»

7Чүнки көтирилиш шәриқтин яки ғәриптин әмәс,

Яки җәнуптинму кәлмәйду; 2

8Чүнки Худа сотчидур;

У бирисини көтириду, бирисини чүшүриду.

9Чүнки Пәрвәрдигарниң қолида бир қәдәһ туриду;

Униңдики шарап көпүклишиватиду;

У әбҗәш шарап билән толди;

Худа униңдин төкиду;

Дәрвәқә йәр йүзидики барлиқ рәзилләр униң дуғини қоймай ичиветиду;

10Мән болсам, мәңгүгә гувалиқ беримән: —

Яқупниң Худасиға күйләрни ейтимән.

11«Мән рәзилләрниң мүңгүзлириниң һәммисини кесип ташлаймән;

Бирақ һәққанийларниң мүңгүзлири көтирилиду!». 3