Зәбур 134

134-күй •••• Худаниң қилған улуқ әмәллири үчүн ибадәт

1Һәмдусана! Пәрвәрдигарниң намини мәдһийиләңлар,

Уни мәдһийиләңлар, Пәрвәрдигарниң қуллири!

2Уни мәдһийиләңлар, Пәрвәрдигарниң өйидә турғанлар,

Худайимизниң һойлилирида турғанлар!

3Яһни мәдһийиләңлар, чүнки Пәрвәрдигар меһривандур;

Униң намиға күй ейтиңлар;

Чүнки мошундақ қилиш шериндур;

4Чүнки Яһ Яқупни Өзиниңки болушқа,

Исраилни Өз мираси болушқа талливалди. 1

5Чүнки өзүм билимәнки, Пәрвәрдигар улуқдур;

Рәббимиз барлиқ илаһлардин үстүндур. 2

6Пәрвәрдигар немә ишни мувапиқ көргән болса,

У асманларда,

Зиминда,

Деңизларда һәм униң барлиқ тәглиридиму шуни қилғандур.

7У йәр чәтлиридин булут-туманларни өрлитиду;

Ямғурларға чақмақларни һәмраһ қилиду;

Шамални Өз ғәзнилиридин чиқириду. 3

8У Мисирдики тунҗа оғулларни һалак қилди,

Инсанларниң болсун, һайванларниң болсун һәммини уруп һалак қилди. 4

9У аламәтләрни, мөҗизиләрни араңларға әвәтти, и Мисир;

Пирәвн вә униң һәммә қуллири үстигә әвәтти. 5

10У улуқ әлләрни урувәтти,

Қудрәтлик падишаларни өлтүрүвәтти; 6

11Аморийларниң падишаси Сиһонни,

Башанниң падишаси Огни,

Қанаандики барлиқ падишалиқларни урувәтти.

12Уларниң зиминини мирас қилип,

Өз хәлқи Исраилға мирас болушқа тәқдим қилди. 7

13Сениң намиң, Пәрвәрдигар, мәңгүгә,

Шөһрәт-хатирәң дәвирдин-дәвиргичидур. 8

14Чүнки Пәрвәрдигар Өз хәлқиниң дәвасини сорайду;

Өз қуллириға рәһим қилиду. 9

15Әлләрниң бутлири болса пәқәтла күмүч-алтундин ибарәттур,

Уларни инсанниң қоллири ясиғандур, халас. 10

16Уларниң ағзи бар, бирақ сөзлимәйду;

Көзлири бар, бирақ көрмәйду;

17Қулақлири бар, бирақ аңлимайду,

Ағзида һеч нәпәс йоқтур.

18Уларни ясиғанлар уларға охшап қалиду,

Уларға таянғанларму шундақтур.

19Исраил җәмәти, Пәрвәрдигарға тәшәккүр-мәдһийә қайтуруңлар;

Һарун җәмәти, Пәрвәрдигарға тәшәккүр-мәдһийә қайтуруңлар;

20Лавий җәмәти, Пәрвәрдигарға тәшәккүр-мәдһийә қайтуруңлар;

Пәрвәрдигардин қорқидиғанлар, Пәрвәрдигарға тәшәккүр-мәдһийә қайтуруңлар!

21Йерусалимда маканлашқан Пәрвәрдигарға Зиондин тәшәккүр-мәдһийә ейтилғай!

Һәмдусана!