Муқеддес Калам (кирил йезиқ)
Зәбур 1
Биринчи Бөлүм •••• 1-күй •••• Итаәтмән адәмниң бәхити
Рәзилләрниң гепи бойичә маңмайдиған,
Гунакарларниң йолида турмайдиған,
Мәсқирә қилғучиниң орнида олтармайдиған адәм бәхит тапур! 1
Униң хурсәнлиги пәқәт Пәрвәрдигарниң тәврат-қанунидидур;
У Пәрвәрдигарниң қанунини кечә-күндүз сеғинип ойлайду. 2 3
У худди ериқ бойиға тикилгән,
Өз пәслидә мевисини беридиған,
Йопурмақлири солашмайдиған дәрәқтәктур;
У немила қилса ронақ тапиду. 4 5
Рәзил адәмләр болса ундақ болмас;
Улар худди шамал учурувәткән тозандәктур. 6
Шуниң үчүн рәзилләр сорақ күнидә тик туралмайду,
Гунакарлар һәққанийларниң җамаитидә һеч бешини көтирип туралмайду.
Чүнки Пәрвәрдигар һәққанийларниң йолини көңлигә пүккән;
Рәзилләрниң йоли болса йоқилиду.
Source notes (6)
- Cross-reference ◘ Зәб. 25:4-5; Пәнд. 1:10, 15; 4:14, 15; 1Кор. 15:33; Әф. 5:11
- Footnote ◼ «У Пәрвәрдигарниң қанунини кечә-күндүз сеғинип ойлайду» — ибраний тилида: «У Униң қанунини кечә-күндүз сеғинип ойлайду». Әмәлийәттә болса бу зәбур Мәсиһни көрситиду. Сәвәби, Мәсиһтин башқа ким «Пәрвәрдигарниң қанунини кечә-күндүз сеғинип ойлайду»?! Бирдинбир ундақ мукәммәл адәм пәқәт Удур. Ундақ болғанда, «Униң қануни» Өзиниңкидур!
- Cross-reference ◘ Қан. 6:6-9; 17:19; Йә. 1:8; Зәб. 111:1; 118:1
- Footnote ◼ «У немила қилса ронақ тапиду» — бу йәрдики «у», Худаниң йолида маңидиған адәмни көрситиду.
- Cross-reference ◘ Йәр. 17:8
- Cross-reference ◘ Аюп 21:18; Зәб. 34:5; Йәш. 17:13; 29:5; Һош. 13:3
Муқеддес Калам (кирил йезиқ). Copyright © 2010 Mukeddes Kalam - Uyghur Bible Translation Committee. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.