Skip to content
BibleKenya
CYR Йәрәмия 10 Verse

Муқеддес Калам (кирил йезиқ)

Йәрәмия 10

Бутлар әмәс, Пәрвәрдигарла ибадәткә лайиқтур

Пәрвәрдигарниң силәргә ейтқан сөзигә қулақ селиңлар, и Исраил җәмәти: — Пәрвәрдигар мундақ дәйду: — Әлләрниң йоллирини үгәнмәңлар; гәрчә әлләр асмандики һадисә-аламәтләрдин қорқуп дәккә-дүккигә чөмгән болсиму, силәр булардин һеч чөчүп кәтмәңлар. 1 Чүнки әлләрниң қаидә-йосунлири бемәналиқтур; һәммиси орманлиқтин кесилгән дәрәқтин, яғаччиниң искиниси билән оюлған нәрсигә асасланғандур. 2 Улар буни алтун-күмүч билән һәлләйду; уни жиқилмисун дәп улар болқа, миқлар билән бекитиду. 3 Бундақ бутлар тәрхәмәкликтә туридиған бир қаранчуқтур, халас; улар һеч сөзләлмәйду; улар башқилар тәрипидин көтирилиши керәк, чүнки улар маңалмайду. Улардин қорқмаңлар; чүнки улар рәзиллик қилалмайду, уларниң қолидин яхшилиқ қилишму кәлмәйду. 4 — Саңа охшайдиған һеч ким йоқ, и Пәрвәрдигар; Сән улуқ, күч-қудритиң билән намиң улуқдур. 5 Ким Сәндин қорқмай туралисун, и барлиқ әлләр үстигә һөкүмран падиша!? Чүнки бу Саңа тегишликтур; чүнки әлләрдики данишмәнләр арисида вә барлиқ падишалиқлар арисида Саңа охшаш һеч ким йоқтур. 6 Әлләрниң һәммиси истиснасиз әқли йоқ, наданлардур; бу әрзимәсләр яғачтур, халас! Улар тәлим берәләмду!? 7 8 Соқуп ялпақланған күмүч Таршиштин елип келиниду; алтунму Уфаздин елип келиниду; андин һүнәрвән вә зәргәрләрниң қоли бу ясиғиниға көк вә сөсүн рәхт билән кийим кийгүзиду — буларниң һәммиси шүбһисизки, данишмән устиларниң әҗридур!

Лекин Пәрвәрдигар Худаниң Өзи һәқиқәттур; У һаят Худадур, мәңгүлүкниң Падишасидур; Униң ғәзиви алдида йәр-зимин титрәйду; әлләр Униң қәһрини көтирәлмәйду. Уларға мундақ дегин: «Асман билән зиминни яратмиған илаһлар, улар зимин йүзидин вә асман астидин йоқайду!». 9

Пәрвәрдигар болса йәр-зиминни күч-қудрити билән ясиған,

Аләмни даналиғи билән бәрпа қилған,

Асманларни әқил-парасити билән яйғучидур. 10

У авазини қоювәтсә, асманларда сулар шавқунлайду;

У йәр чәтлиридин булут-туманларни өрлитиду;

У ямғурларға чақмақларни һәмраһ қилип бекитиду,

Вә шамални өз ғәзнилиридин чиқириду. 11

Мошу кишиләрниң һәр бири әқилсиз, билимдин мәһрумлардур;

Зәргәрләрниң һәр бири өзлири ойған бут тәрипидин шәрмәндигә қалиду;

Чүнки униң қуйма һәйкили ялғанчилиқ, уларда һеч тиниқ йоқтур. 12

Улар бемәналардур, мазақ объектидур;

Җазалиниш вақти уларниң үстигә кәлгәндә, улар йоқитилиду.

Яқупниң Несивиси Болғучи булардәк әмәстур,

Чүнки барлиқ мәвҗудатни ясиғучи Шудур;

Исраил болса Униң Өз мираси болған қәбилидур;

Самави қошунларниң Сәрдари болған Пәрвәрдигар Униң намидур. 13 14

Йәрәмия хәлқи үчүн мәрсийә оқуп дуа қилиду

Зиминдин чиқишқа жүк-тақиңни жиғиштуруп ал, и муһасиригә елинғучи қиз; 15 чүнки Пәрвәрдигар мундақ дәйду: — «Мана, Мән бу вақитта зиминдикиләрни елип у йәрдин чөрүветимән вә уларниң көңли тонуп йәткичә азар беримән!». 16

Йәрәмия хәлқигә вәкил сүпитидә сөз қилиду

Җараһитим үчүн һалимға вай! Мениң ярам давалиғусиздур! Бирақ әслидә мән: «Бу пәқәт бир кесәллик, халас, униңға чидиғидәкмән» — дәптикәнмән. 17 Мениң чедирим һалак болди, барлиқ танилирим үзүлди; балилирим мәндин җуда болуп, улар йоқ болди; чедиримни қайтидин созуп тиккидәк, чедир пәрдилирини асқидәк һеч ким қалмиди. 18 19 Чүнки хәлиқ падичилири әқилсиз болуп, Пәрвәрдигарни издәп йол соримайду; шуңа улар данишмәнләрдәк иш көрәлмәйду, уларниң барлиқ падиси тарқилип кәтти. 20 Аңлаңлар! Бир гәпниң шәписи! Мана, у келиду, шималий зиминдин чиққан зор бир чуқан-сүрән! Йәһуданиң шәһәрлирини бир вәйранә, чилбөриләрниң туралғусиға айландурғучи келиватиду! 21 Билимәнки, и Пәрвәрдигар, инсанниң өз йолини бекитиши өз қолида әмәстур; меңиватқан адәмниң өзидә қәдәмлирини халиғанчә ташлаш қудрити болмастур; 22 Пәрвәрдигар, мени түзигәйсән, лекин ғәзивиң билән әмәс, адил һөкүмиң билән түзигәйсән; болмиса Сән мени йоққа баравәр қилисән. 23 Қәһриңни Сени тонумайдиған әлләр һәмдә намиңға нида қилмайдиған җәмәтләр үстигә төккәйсән; чүнки улар Яқупни йәп кәткән; бәрһәқ, улар уни жутуп түгәштүрүп, турған җайини мутләқ вәйран қилған. 24

Source notes (24)
  1. Footnote ◼ «әлләрниң йоллирини үгәнмәңлар; гәрчә әлләр асмандики һадисә-аламәтләрдин қорқуп дәккә-дүккигә чөмгән болсиму, силәр булардин һеч чөчүп кәтмәңлар» — ят әлләр бундақ «асмандики һадисә-аламәтләр»ни хурапийлиқ, йәни мунәҗҗимлик йолида чүшинәтти, әлвәттә.
  2. Cross-reference ◘ Йәш. 44:14-17
  3. Cross-reference ◘ Йәш. 41:7
  4. Cross-reference ◘ Зәб. 113:12-15; Йәш. 41:23; 46:1, 7
  5. Cross-reference ◘ Зәб. 85:8,10
  6. Cross-reference ◘ Вәһ. 15:4
  7. Footnote ◼ «Әлләрниң һәммиси истиснасиз әқли йоқ, наданлардур; бу әрзимәсләр яғачтур, халас! Улар тәлим берәләмду!? » — оқурмәнләр айәтниң башқа хил тәрҗимилирини учритиши мүмкин.
  8. Cross-reference ◘ Йәш. 41:29; Һаб. 2:18; Зәк. 10:2
  9. Footnote ◼ «Уларға мундақ дегин: «Асман билән зиминни яратмиған илаһлар, улар зимин йүзидин вә асман астидин йоқайду!» — бу айәт ибраний тилида әмәс, бәлки арамий тилида ипадилиниду. Ениқки, Худаниң мәхсити Өз хәлқиниң бу һәқиқәтни ят әлләргә уларниң өз тилида билдүрүши керәк.
  10. Cross-reference ◘ Яр. 1:1; Аюп 9:8; Зәб. 103:2; Йәш. 40:22; 44:24; 51:13; Йәр. 51:15
  11. Cross-reference ◘ Зәб. 134:7; Йәр. 51:16
  12. Cross-reference ◘ Йәр. 51:17,18
  13. Footnote ◼ «Яқупниң несивиси» — «Яқуп» мошу йәрдә Яқуп вә униң әвлатлири болған Исраилниму көрситиду. «Яқупниң несивиси» Худаниң Өзидур, әлвәттә.
  14. Cross-reference ◘ Зәб. 73:2; Йәр. 51:19
  15. Footnote ◼ «муһасиригә елинғучи қиз» — «қиз» мошу йәрдә шүбһисизки, пүтүн хәлиқни билдүриду.
  16. Cross-reference ◘ Йәр. 6:24
  17. Footnote ◼ «пәқәт бир кесәллик» — бәлким хәлиқниң бешиға чүшкән күлпәтләр «пәқәт вақтилиқ аварә, халас» дегән һессиятини көрситиду. Сахта пәйғәмбәрләр бундақ һессиятни көп қоллайтти.
  18. Footnote ◼ «Мениң чедирим һалак болди, ... балилирим мәндин җуда болуп,...» — мумкинчилик барки, мошу йәрдә сөзлигүчиниң сөзлири Пәрвәрдигар Өзиниң сөзлиригә өтиду, Өз хәлқиниң дәрдини тартиватиду. Буниңға охшайдиған бешарәтни көрүш үчүн «Йәш.» 16:9-12ни көрүң.
  19. Cross-reference ◘ Йәш. 15:5; 16:9-12; 21:1-4
  20. Footnote ◼ «хәлиқ падичилири» — (йәни «пада баққучилири») шүбһисизки, Йәһуданиң падишаси, вәзирлири, каһинлири вә пәйғәмбәрлирини көрситиду.
  21. Cross-reference ◘ Йәр. 1:14; 4:6; 9:11
  22. Cross-reference ◘ Пәнд. 16:1; 20:24
  23. Cross-reference ◘ Зәб. 6:1-2; 37:1-2; Йәр. 30:11; 46:28
  24. Cross-reference ◘ Зәб. 78:6; Йәр. 8:16; 9:16

Муқеддес Калам (кирил йезиқ). Copyright © 2010 Mukeddes Kalam - Uyghur Bible Translation Committee. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-10-25.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.