Biblica® آزادانہ اردو ہم عصر ترجمہ
زبُور 136
یَاہوِہ کا شُکر بجا لاؤ کیونکہ وہ بھلےہیں۔
اُن کی شفقت اَبدی ہے۔
معبُودوں کے خُدا کا شُکر بجا لاؤ۔
اُن کی شفقت اَبدی ہے۔
خُداوندوں کے خُدا کا شُکر بجا لاؤ:
اُن کی شفقت اَبدی ہے۔
اُن کا جو اکیلے بڑے بڑے عجِیب کام کرتے ہیں،
اُن کی شفقت اَبدی ہے۔
جنہوں نے اَپنی حِکمت سے آسمان بنایا،
اُن کی شفقت اَبدی ہے۔
جنہوں نے زمین کو پانی پر پھیلایا،
اُن کی شفقت اَبدی ہے۔
جنہوں نے بڑے بڑے نیّر1 بنائے۔
اُن کی شفقت اَبدی ہے۔
یعنی دِن پر حُکومت کرنے کے لیٔے سُورج،
اُن کی شفقت اَبدی ہے۔
اَور رات پر حُکومت کرنے کے لیٔے چاند اَور سِتارے بنائے؛
اُن کی شفقت اَبدی ہے۔
اُن کا جنہوں نے مِصر کے پہلوٹھوں کو مارا
اُن کی شفقت اَبدی ہے۔
اَور مِصریوں کے درمیان سے اِسرائیل کو نکال لائے
اُن کی شفقت اَبدی ہے۔
قوی ہاتھ اَور بُلند بازو سے؛
اُن کی شفقت اَبدی ہے۔
اُن کا جنہوں نے بحرِقُلزمؔ کو دو حِصّے کر دیا
اُن کی شفقت اَبدی ہے۔
اَور اِسرائیل کو اُس کے بیچ سے پار لے گئے،
اُن کی شفقت اَبدی ہے۔
خُدا نے مُلک مِصر کے بادشاہ فَرعوہؔ اَور
اُس کے لشکر کو بحرِقُلزمؔ میں غرق کر دیا؛
اُن کی شفقت اَبدی ہے۔
اُن ہی نے اَپنی اُمّت کی بیابان میں رہبری کی،
اُن کی شفقت اَبدی ہے۔
جنہوں نے بڑے بڑے بادشاہوں کو مارا،
اُن کی شفقت اَبدی ہے۔
اَور زبردست بادشاہوں کو قتل کیا۔
اُن کی شفقت اَبدی ہے۔
یعنی امُوریوں کے بادشاہ سیحونؔ کو
اُن کی شفقت اَبدی ہے۔
اَور باشانؔ کے بادشاہ عوگؔ کو۔
اُن کی شفقت اَبدی ہے۔
اَور اُن کے مُلک مِیراث میں دئیے،
اُن کی شفقت اَبدی ہے۔
یعنی اَپنے خادِم اِسرائیل کو مِیراث میں دئیے؛
اُن کی شفقت اَبدی ہے۔
اُن کا جنہوں نے ہمیں ہماری پست حالی میں یاد کیا
اُن کی شفقت اَبدی ہے۔
اَور ہمیں ہمارے دُشمنوں سے رِہائی بخشی،
اُن کی شفقت اَبدی ہے۔
جو ہر مخلُوق کو روزی فراہم کرتے ہیں۔
اُن کی شفقت اَبدی ہے۔
آسمان کے خُدا کا شُکر بجا لاؤ
اُن کی شفقت اَبدی ہے۔
Source notes (1)
- Footnote بڑے بڑے نیّر سُورج اَور چاند
Biblica® آزادانہ اردو ہم عصر ترجمہ. Copyright © 1999, 2005, 2022, 2024 Biblica, Inc. Licensed under CC BY-SA 4.0. ”Biblica“ اَور ریاست ہائے متحدہ کے حُقُوق کی سند اَور رجسٹرڈ تجارتی کےذریعہ Biblica Inc نشان دَفتر میں درج ہیں۔وہ اجازت کے ساتھ اسیعمال کیا جاتاہے۔ “Biblica” is a trademark registered in the United States Patent and Trademark Office by Biblica, Inc. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.